Undivided property gustong paliton ang portion

Dear Atty. Divine,.

Usa sa mga heirs mitanyag nako sa iyang share kay gusto niyang ibaligya. Interesado ko nga mopalit. Ang problema kay wa pa ma-subdivide ang property ug ang titulo nakapangan pa sa ilang papa. Ang original copy sa title gikuptan sa ilang kamaguwangan apan dili kini mopahuwam ni bisan kinsa sa original copy sa title. Ang akong pangutana kun ma-process ba nako ang portion nga akong  paliton bisan kun wa koy copy sa title? Daghang salamat.

Lauro

* * *

Dear Lauro,

Kun nakapangan pa sa ilang ginikanan nga namatay  ang title sa property,  ang dokumento nga angay ninyong pirmahan mao ang Extrajudicial Partition with Sale sa portion sa property. Ang tanang mga heirs dapat gyud nga mopirma niini ug kinahanglan sab nga bayran ang estate tax niini gawas sa Capital Gains Tax ug Documentary  Stamp Tax. Kinahanglan sab nga i-subdivide ang property aron ma identify ang shares sa matag heir ug ma identify sab ang portion nga imong gipalit. Kinahanglan sab nga aprubado sa  DENR ang subdivision plan kay mao kini basihan sa Register of Deeds sa pag-release og titulo sa matag usa nga heirs ug sa imong portion mga gipalit. Ang original title needed sab nga i-surrender ngadto sa Register of Deeds inig process ninyo sa transfer sa title. Kun dili kini nimo ma-comply di gyud ka makapa -transfer sa imong name sa portion mga imong gipalit. Thanks and God bless.

Atty. Divine

* * *

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.