^

Ampo ug amping lang

BALITAHOM - Atty. Jose Marie N. Poblete (Banat) - April 4, 2021 - 12:00am

Miapelar si Presidente Duterte sa publiko alang sa dugang pailob ug pagsabot taliwala sa mga pagsaway nga nadawat sa kagamhanan tungod sa kalangay sa pagpamakuna batok COVID-19. Miangkon ang Presidente nga sama ra nga nahamutang siya karon sa purgatoryo ni’ng kalisod nga nasinati sa pagpamalit sa bakuna.  Ginaingon nga magpabilin una sa purgatoryo ang kalag sa tawo sa dili pa kini hukman kon sa langit o sa impyerno ba ang iyang padulngan.  Hinaut nga “langit”, ug dili “impyerno”, ang mapaabot sa katawhan inig lurang niining tanan.  Ampô ug amping lang!

Nahimugsô pag-usab

Daghan na nga mga senior citizens sa Mandaluyong City ang nabakunahan sa AstraZeneca vaccine ug lakip na kanila ang kanhi COMELE Chairman nga si Benjamin Abalos, Sr.  Human mabakunahi, nakatuaw si Abalos sa pag-ingon nga daw “nahimugso” siya pag-usab.  bisan luyo sa pamulong sa Presidente nga nag-antos pa sa “purgatoryo”.  Wala hinuon mosulti si Abalos kon cesarian o normal ba ang iyang pagkahimugso pag-usab.  Sayon ra gyud kaayo sa tawo ang pagpahaum sa semana santa sa mga pulong nga malibkas sa iyang ngabil.  Atala lageee!

Unta dili i-quarantine

Gitugotan na ni Presidente Duterte ang pribado’ng sektor sa pagpamalit og bakuna apan gitataw sa Malacañang nga aduna gihapo’y kalambigitan ang nasudnong kagamhanan kay ang naulahi man ang moabaga kon ugaling adunay tulobagon sa mahimong adverse effects sa bakuna.  Tuyo sa Presidente nga mapaspas na pagpamalit ug pagpangabot sa mga bakuna.  Hinaut nga ni’ng pag-apil-apil gihapon sa kagamhanan, dili na ipa-ubos sa “14-days quarantine” ang paningkamot unya sa pribadong sector.  Madahaan!

Dili magpili sa “limos”

Human ipahibalo sa DBM nga gi-release na ang pundo nga P22.9 billion alang sa financial assistance alang niadtong mga lugar sa National Capital Region nga mapaubos sa ECQ, namahayag usab gilayon ang DBM nga ang hingtundan’g kagamhanan’g lokal mao ra’y mohukom kon pagkaon o kwarta ba ang ihatag nga ayuda.  Sukad pagpanghatag sa ayuda, wala kita makadungog nga gikonsulta sa kagamhanan ang katawhan sa matang sa ayuda nga ilang gustong dawaton. Haum ba dinhi ang panultihon nga “Ang makililimos dili angay magpili sa ihatag nga limos?”  Fezteleern!

Bino o kape?

Gipanghingusgan sa kagamhanang sa dakbayan sa Sugbo ang paglutos sa mga establisemiyento nga namaligya sa mga ilimnon’g makahubog subay sa mga orden ehekutibo nga gilagdaan sa mayor bahin niini.  Apan gisaway kini sa ako’ng higala sa pag-ingon, “Girekomendar gani sa kagamhanan ang pagpunay’g hunaw sa alcohol, unya kon imnon na hinoon, dili na itugot.  Kon tuyô malikayan ang panagtapok, mosamot nga dili patas ang maong lagda kay ang mga coffee shop gibuksan man.  Gidili ang pag-inom sulod sa beer shop unya gawasnon ra ang pag-inom sulod sa coffee shop?”  May tama ka dyan!

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with