^

Mga polis nga hayop?

AMBOT LANG - Gerry Auxilio (Banat) - April 4, 2021 - 12:00am

Gipasanginlan sa usa ka 35 anyos nga biktima nga taga Tungkil, Minglanilla ang 11 ka polis sa Sawang Calero Police Station sa dakbayan sa Sugbo og pagpanulis ug pagpanglugos. Ang krimen giingon sa biktima nga nahitabo kaniadtong Marso 9 ning tuiga.

Ang gipasanginlan mao sila si Police Staff Sergeant Celso Colita, Police Chief Master Sergeant Eric Edgar Emia, Police Corporal Rochelito Mabulay, Police Corporal Emmanuel Martinez, Police Staff Sergeant Joseph Alcoseba, Police Staff Sergeant Michael Rhey Cabizares, Police Corporal Carlo Irizari, Police Corporal Junel Pedroza, Police Corporal John Carl Aceron ug Police Corporal Georny Abrasado nga pulos mga sakop sa Drug Enforcement Unit sa Sawang Calero Police Station.

Sigun sa pasangil, gironda sa nahisgotang mga polis ang panimalay sa biktima nga nahimotang sa Tungkil, Minglanilla ug sa dihang wala silay nakita nga illegal, gidala sa mga polis ang iyang salapi ug mga alahas ug gipriso usab siya sa Sawang Calero Police Station. Wala gi-blotter sa mga polis ang ilang gihimong pagpangronda sa balay sa biktima. Dali nga girelibohan ug gidis-armahan ang mga polis ug gidistino sa Regional Police Holding Admin Unit sa Police Regional Office VII.  

Kasong grave coercion, robbery ug grave threats ang giatubang sa 11 ka mga polis samtang kaing duha ka kaso sa pagpanglugos ang gipasaka batok kang Police Staff Sergeant Celso Colita.

Giasoy sa reklamante nga nianang adlaw nga gipagawas siya sa prisohan gikuyogan siya ni Colita sa banko ug gi-withdraw ang P170,000 ka pesos ug dayon gidala siya sa usa ka hotel ug gilugos sulod sa duha ka higayon.

Dili lang dayon nato husgahan ang mga polis nga gipasanginlan. Hatagan una nato sila og higayon nga mapaminaw sa ilang habig tungod kay sayod kita nga dili tanan nga pasangil tinuod. Apan kun ugaling tinuod man kini, dili sila angayan nga ipabilin sa ilang pagka polis tungod kay wala silay luna sa organisasyon sa kapolisan.

Ang polis gimugna alang sa pagpanalipod ug pagserbisyo sa katawhan ug dili para sa pagpanulis ug paglugos sa ilang dinakpan.  

PNP
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with