_banat
^

Banat Opinyon

"Hulidap"

LINTUNGANAY - Fred Languido - Banat

Onse ka mga sakop sa Sawang Calero Police Station ang giparelibohan sa ilang katungdanan human gipasanginlang nangilkil ug milugos pa sa ilang dinakpan.

Si Brigadier General Ronnie Montejo, human masayod sa hitabo, mimando dayon nga tangtangon sa pwesto ug pasakaan og kaso sila si Police Staff Sergeant Celso Colita, Police Chief Master Sergeant Eric Edgar Emia, Police Corporal Rochelito Mabulay, Police Corporal Emmanuel Martinez, PSSg Joseph Alcoseba, PSSg Michael Rhey Cabizares, PCpl Ejill Ferrolino, PCpl Carlo Irizari, PCpl Junel Pedroza, PCpl John Carl Aceron ug PCpl Georny Abrasado.

Sigun sa reklamo nga nadawat sa IMEG, usa ka babaye'ng gipasanginlang nalambigit sa illegal nga drugas ang ilang gironda didto sa Minglanilla.

Wala silay drugas nga nakuha apan ilang gitanggong ang babaye ug gikilkilan. Gawas niini, usa  nila gipasanginlang milugos sa ilang dinakpan sulod sa usa ka motel.

Nadiskobrehan nga wala sila mocoordinate sa Minglanilla Police Station nga maoy dunay jurisdiction sa dapit nga ilang gironda ug wa sab nila i-blotter ang maong operasyon.

Linuog ang ilang gihimo kun ugaling tinuod. Ilang gigamit ang ilang uniporme sa pagpanulis ug paghimo og linuog nga krimin.

Kagahapon laing biktima sa maong mga polis ang mipatim-aw og misang-at og reklamo. Nangangkong biktima sab sa "hulidap" sa maong mga polis.

Ang mga polis nga sama nila way katungod nga magsul-ob og uniporme ug magpabilin sa katungdanan.

Naghatag sila og mantsa sa dungog sa institution sa kapolisan. Luoy ang mga tarong nga polis nga maangin sa ilang dautang binuhatan.

Busa alang sa ubang mga nahimong biktima sa maong mga polis angayang makabaton sila og kaisog pagbarog ug pagsang-at og reklamo.

ARRESTED
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with