_banat
^

Banat Opinyon

Sala ba pag-usab sa lawas?

JAV BANATI - Javier Yntig Tapulado - Banat

Ania ta sa panahon nga sayonsayonon na lang ang pag-usab sa porma sa lawas sa tawo gamit ang modernong kaalam sa siyensiya ug sa kaabanse sa teknolohiya karon.

Akong kauban kanhi sa trabahoan, posturawo na ang pamarog, guwapo ug gikaibgan sa daghang babaye, pero wala makontento.

Mikuyog sa uso. Nagpa-nose lift surgery pod. Ang pait, kay nawong nanghubag. Gitambalan! Resulta? Nabuta. Nawad-a’g trabaho ug kinabuhi.

Sagad sa magpa-nose lift, mga babaye ug LGBT (Lesbians, Gays, Bi-sexual, Transgenders).

Dili lang ilong gipaoperahan. Hasta nawong gipahugtan. Lakip ubos, gipang-ilisdan.

Wala nila igsapayan nga makagastog minilyon ka pesos, matuman lang ilang gusto. Nga, ang hitsura sa lalaki mamahimong babaye ug ang babaye, malalaki.

Sa gaming industry, diin 37 ka tuig kong nangalagad, dinhay higayon nga halos tanang mata sa mga empleyado ug kustomer gisuyop niadtong nangabot nga tulo ka guwapa-seksing dalaga, kinsa miduol sa lamesang ‘Roleta’ aron magdula.

From head to foot, perfect. Panglihoklihok ug manulti, very classy and so decent.

Pero kami nakurat, dihang ila ming gitug-anan nga mga transgenders diay sila. Ug may iya-iyang sugar daddy nga adunahang foreigners, kinsa magpadad-anan nilag kuwarta. Pastilan, no? Kaimpluwensiyado!

No wonder. Gitangtangan si Pambansang Kamao Manny Pacquiao sa iyang pagka-NIKE endorser human makontrahi sa mga LGBT tungod sa iyang pagsupak nga himoong legal ang same sex marriage.

Isip pastor, nasayod si Manny nga ang pag-usab sa hitsura sa lalaki ngadto sa pagkababaye, sala.

Samot na ang pagtugot sa babaye’g babaye, o lalaki’g lalaki nga hiusaon sa kaminyoon.

Husto ba ang pagpadayag ni Manny nga ang pag-usab sa lawas sa tawo, sala? Ania ang biblikanhong pamahayag:

“Wala ba mo masayod nga inyong lawas, templo sa Espiritu Santo nga naa ninyo, hinatag sa Diyos? Dili na mo tag-iya sa inyong kaugalingon. Hinumdomi ang presyo (ipasabot: ang pagpakamatay ni Kristo sa krus) nga gibayad alang ninyo.

Busa, himayaa ang Diyos sa lawas ug sa espiritu nga Iya sa Diyos.” (1Corinto 6:19-20).

Nga sa ato pa, Ginoo ang tag-iya sa atong lawas. Siyay nagbuot unsang panagwaya ang Iyang ihatag nato. Busa, angay dawaton, ampingan ug mahalon.

Nungkang usbon aron lang matuman ang usa ka tawhanong kahangol nga makapahilayo nato Kaniya.

TECHNOLOGY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with