_banat
^

Banat Opinyon

Pabaga sa nawong

LINTUNGANAY - Fred Languido - Banat

Tungod kay limitado ang gidaghanon sa mga bakuna nga nangabot dinhi sa nasud, ang kagamhanan pinaagi sa Inter-Agency Task Force on the Management of Emerging Infectious Disease mipagawas og lagda kinsay angayang unang makadawat niini.

Ug sa order of priority, ang mga medical frontliners maoy unang hatagan sa bakuna batok sa COVID-19.

Kini sanglit wala pay igong supply ug pulos pa gani hinatag ang mga bakuna nga nangabot dinhi sa nasud.

Importante nga ang mga doktor, nurses ug uban pang healthworkers nga maoy direktang nag-atiman sa mga nataptan og COVID maoy mahatagan og una sa bakuna alang sa ilang proteksiyon.

Giklaro sa order of priority nga way labot ang lokal nga mga opisyal sa unang makadawat sa bakuna.

Apan bisan sa tataw nga lagda, dunay ubang mga mayor ang nag-una-una sa linya ug nagpabakuna.

Kini naglakip nilang Mayor Alfred Romualdez sa Tacloban City, Leyte ug ni Mayor Elanito Peña sa lungsod sa Minglanilla dinhi sa lalawigan sa Sugbo.

Si Romualdez nangatarungan nga ang iyang pagpabakuna og una aron kuno pagdasig sa mga healthworkers ug sa katawhan nga magpabakuna.

Kun tinuod nga mao ni iyang tumong, angayang didto si Romualdez magpabakuna sa dapit nga gisaksihan sa publiko. Pero nganong didto siya sulod sa iyang pinuy-anan nagpabakuna?

Wala pa sab kinahanglana nga dasigon niya ang publiko tungod kay bisan pa og tanang tawo gusto og bakuna way ikahatag ang gobiyerno. Nagsalig pa man gani ang atong gobyerno karon sa hinatag nga mga bakuna.

Busa tataw ni nga palusot ni Romualdez. Ang tinuod mao nga bintahoso siya ug migamit sa iyang gahom aron mamintaha bisan dili pa unta siya angayang modawat og bakuna.

Si Peña sa iyang bahin miingon nga maisip sab kuno siya nga frontliner maong nag-una-una siya og pabakuna.

Kun ingon niini kahiwi ang rason sa tanang mga opisyal, way makapugong sa tanang mayor ug mga gobernador nga mag-una pud sa pagpabakuna.

Medical frontliners ang naa sa lista nga maoy unang bakunahan ug way labot ang mayor. Tinuod maisip sab nga mga frontliner ang mga local chief executive apan dili man kamo maoy mangunay og atiman sa mga masakiton.

Ang mga opisyal nga sama nilang Peña ug Romualdez nga dili kamao mosunod sa lagda way katungod nga magpabilin sa katungdanan.

Way haum nga nga pulong nga angayang ihulagway sa inyong gihimo gawas sa pabaga sa nawong.

INTER-AGENCY TASK FORCE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with