Child marriages

Misiaw diay dinhi sa atong nasud ang pagpakasal sa mga teenager, kining ilang gitawag nga child marriages. Giingon dinhi nga sa unom ka batan-ong babaye dinhi sa atong nasud, usa niini nagpakasal nga wala pay 18 ang edad.

Unsa kahay kaugmaon sa ilang kinabuhi no? Ug lagmit, ang lalake, either 18 o ubos sa 18 ang panuigon. And most probably walay trabaho o walay klarong trabaho ang duha. Ug lagmit mga school dropout ang mga batan-ong magtiayon.

Teenage delinquency  - mga ginikanan ug ang umaabot nga mga anak.

Mao nga si Rom Dongeto, executive director sa Philippine Legislato’rs Committee on Population and Development (PLCDP), ug nag-organize sa #Girls Defenders Alliance, ug convenor sa Child Rights Network, miawhag sa Lower House pag-ila sa urgency niining maong kahimtang ug pagpasar sa balaudnon nga manalipod sa mga batan-on natong kababayen-an.

Ang mahitabo usahay, ilabina ang mga batan-on nga magtubo sa sulod sa kabus nga banay, mapugos pagminyo, uban sa pagtuo nga ang kaminyoon maoy makapalingkawas kanila gikan sa kawad-on. Ug kon unsa man ang mga pasalig sa laing batan-ong lalake, motuo usab dayon sila, matud pa, without thinking.

Tan-awa ra gud, Gikutlo sa PLCPD ang gibutyag sa World Health Organization (WHO) nga: “The Philippines is ranked 12th in the world in terms of absolute number of child brides.”

Tiaw mo na, ika-12 kita sa ranking sa kadaghan sa mga chile marriages sa tibuok kalibotan. Akong usbon, sa tibuok kalibutan kini. Ngano man ni? Nag-unsa man lang ang mga ginikanan niining maong mga anak?

Mao nga ang headline sa The Freeman, nagkanayon: “Advocates tell House: Approve anti-child marriage bills.”

Hinumdoman nga sa 2019, si Senador Risa Hontiveros, isip chair sa Senate Committee on Women, Children Family Relations and Gender Equality, mipasaka og balaudnon nga mag-eradicate o mag-wagtang sa pagminyo sa kabataan, o child marriages.

Nia atong kutluon: “Senate Bill 162, or the “Girls not Brides Act of 2019,” aims to protect children by prohibiting and penalizing child marriages’

Unya, pagka-Pebrero sa imaging tuig, mi-file siya’g revised bill, ang SB 1373, nga sa November sa maong tuig, na-aprobahan sa ikatulo ug katapusang pagbasa. Wa na ta mahibawo  unsay nahitabo tapus niadto.

Unya, sa House of Representatives upat ka version ang gi-file sa samang katuyoan, apan, matud dinhi: “There has been no action on the bills since they were filed in 2019,” nagkanayon ang PLCPD. Perhaps, alang sa atong mga magbabalaud, dili kini urgent.

Earlier, nagkanayon si Hontiveros’ “child marriage is a human rights violation as it undermines the wellbeing of girls and impedes their personal development and many will likely end up in poverty as child brides will have limited education and economic opportunities.

Let our children be children. Let us allow them to grow and fulfill their full potential. Let us end child marriages.”

Kon mahimo nang balaud, “a person who causes, fixes, facilitates, or arranges a child marriage shall be considered as responsible for “acts of neglect, abuse, cruelty, or exploitation, and other conditions prejudicial to the child’s development” and shall be punished under the Special Protection of Children against Abuse, Exploitation and Discrimination Act.”