^

Arkanghel De Perdition

BALITAHOM - Atty. Jose Marie N. Poblete (Banat) - March 7, 2021 - 12:00am

Gidakop sa NBI ang usa ka Rickson Aviso kay giingon’g nangilkil og mokabat P2 milyones sa iyang biktima pinaagi sa pagpaila ngadto sa naulahi nga usa siya ka arkanghel o manulonda nga makahatag proteskyon batok sa dautang espirtitu.  Nangayo’g kwarta ang suspetsado gikan sa biktima bugti sa proteksiyon ug kon magdumili paghatag, hulgaon dayon sa suspetsado nga adunay dautan’g mahitabo sa biktima ug sa iyang pamilya.  Karaan na man ang maong modus sa suspetsado ug dili na unta angay tuohan.  Sa kadako sa kantindad nga nga nakilkil, dili usab katuohan ang asoy sa biktima.  Kinsay nagsulti sa matuod?  Kaayo ra pakungon!

Kinaiya sa tawo’ng hubog

Nabatyagan nga misaka ang panginahanglan sa Sinovac vaccine sukad nasugdan sa kagamhanan ang pagpamakuna tungod kay daghan na ang mga health workers nga nausab ang hunahuna ug mosugot na nga mabakunahan.  Kaluha sa paghiko-hiko ang kakulang sa pagsalig. Inay mogamit kita sa atong hunahuna, mosalig hinoon kita sa atong obserbasyon.  Wala kita’y kalainan sa tawong hubog nga inay gamiton ang poste sa suga aron maiwagan ang dalan, gihimo na lang hinoon ang poste nga sandiganan. Pagkatoytoy!

Nagkahigos nga edukasyon

Giimbestigar sa DepEd ang mga alegasyon nga adunay mga ginikanan nga nanuhol og laing tawo aron motubag sa mga learning modules sa ilang mga anak ug sa posibleng kalambigitan mismo sa mga magtotudlo sa maong anomaliya.

Unsa pa ma’y imbestigahon nga baniog na man kini nga kapakyasan sa atong educational system?  Kon magkinopyahay ang mga estudyante sa sulod sa classroom bisan adunay nagbantay, labaw na’ng magpatabang ang estudyante kon naa ra sulod sa balay.  Kon wala kini daan malantawi sa DepEd nga sitwasyon, ang ahensya tingale mismo ang angay imbestigaron.  Nagkahigos na man ang matang sa atong edukasyon. Saoonz!

Salig lang

Napanglantawan nga mouyon ang Estados Unidos sa kondisyon ni Presidente Duterte nga mohatag ug “bayad” bugti sa pagpadayon sa Visiting Forces Agreement.  Segun sa balita, mohatag ang Pentagon og mga armas ug ubang military hardware ngadto sa AFP agi ug pagsanong sa pagpaningil sa Presidente.  Batok sa labing gamhanan nga nasud, maisip nato nga gamay’ng kadaugan kining maong kalamboan.  Matud pa bitaw sa panultihon, “Ang ginagmay’ng kalamposan maoy sekreto’ng sangkap alang sa hingpit nga pagsalig sa kaugalingon”.  Barug Pilipinas!

MGCQ na kay naay bakuna

Matud pa ni Presidential Adviser for Entrepreneurship Joey Concepcion, makatarunganon nga ipaubos na ang tibuok nasud sa MGCQ sa bulan sa Mayo ni’ng tuiga tungod kay nakasugod na man ang pagpamakuna.  Kon tukma ang panglantaw ni Ginoong Concepcion ug uyonan sa Presidente ang iyang rekomendasyon, hayan makasinati na kita’g inanay nga paglambo sa ekonomiya.  Inig-abot sa maong higayon, mahimo’ng magdungan pagkanta ang katawhan sa awit ni Sampaguita nga nagkanayon, “Panahon na para magsaya, Forget mo na ang problema”.  Hala no!

NBI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with