^
EDITORYAL - Di gihapon magkumpiyansa

EDITORYAL - Di gihapon magkumpiyansa

(Banat) - March 6, 2021 - 12:00am

Nabuhian og paglaum ang katawhan hasta ang nagkadaiyang mga gobiyerno sa paglugwa na aning bakuna batok Covid-19.

Daw nakakita og kahayag sa taas ug makutas kaayong dalan ilawom sa langob ang tanan karong nasugdan na ang vaccine rollout dinhi sa Pilipinas.

Apan tungod ba kay duna nay bakuna pwede nang mokumpiyansa? Ang tubag dili. Dili pa maayong mokumpiyansa ilabi na nga sa pagkakaron bugtong ang mga health workers palang ug ubang frontliners ang nabakunahan.

Dili pa ang tanang katawhan ang nabakunahan mao nga peligro pa gihapon ang paglaruy-laroy nga way tumong. Husto si Cebu City Mayor Edgardo Labella sa iyang pahimangno sa katawhan nga dili gihapon mokompyansa bisan paman nga  nasugdan na og rollout ang vaccine batok COVID19.

Kinahanglan gihapon tumanon ang health protocols sa tanang oras tungod kay ang bakuna dili mahimong panghulip sa pagsunod sa minimum health protocols.

Ang pagsunod palang sa protocols proteksyon na batok sa Covid-19 apan dili mahimong ibasura nalang kini karong duna nay bakuna.

Angay hinumdoman sa katawhan nga kining mga bakuna karon nga gipanghatud ug gigamit na sa pagpamakuna gikonsiderar pa gihapong naa sa “testing stage” o clinical trials.

Ang mga gobiyerno sama dinhi sa Pilipinas gipaabot nga mopagawas og assessment sa kaepektibo sa maong mga bakuna ini og abot sa pipila ka bulan gikan karon.

Pinaagi niining assessment mahibaw-an kun pila ka porsiyentong epektibo ang bakuna. Ang mga bakuna nga gi-rollout karon duna nay nagkalain-laing assessment ang ubang mga nasud nga unang nakagamit niini.

Dinhi sa Southeast Asia, ang Pilipinas nalang sa napulo ka mga nasud sa rehiyon ang kataposang nakadawat og bakuna. Nag-una ng daan ang Indonesia, Singapore ug ang ubang mga silingan natong mga nasud, iwit kaayo ta. Duna na silay mga assessment sa matag brand kun unsa kaepektibo.

Ang bakuna proteksyon sa sud samtang ang mga facemask ug uban pang gipatumang health protocols proteksyon sa gawas. Aron panigurado, mas maayong bisan og nabakunahan na, dili gihapon hunongon sa tawo ang paggamit og facemask, face shields ug pagsunod sa social distancing.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with