^

Teamwork

Antolin dela Serna (Banat) - March 6, 2021 - 12:00am

Mao kini ang awhag ni Cebu City Mayor Ed Labella ngadto sa kapolisan ug sa mga tinugyanan sa Philippine Drug Enforcement Agency (PDEA) aron nga, matud pa, dili masubli dinhi sa atong dakbayan kadtong misencounter sa duha ka ahensiya sa kagamhanan didto sa Quezon City.

Bitaw. samtang kataw-anan hunahunaon, apan subo palandungon  nga duha ka ahensiya sa gobiyerno nag-unay ug nagpinusilay. Nagpasabot nga walay coordination ang duroha, nag-iyahay pagpatuman sa ilang mga tahas.

Sumala sa napatik sa The Freeman (kon wala kamo makabasa): “Labella sent a formal letter request to CCPO Director Josefino Ligan and PDEA-7 Director Levi Ortiz on March 1, 2021. In his letter, the mayor told both agencies that the ‘misencounter’ should be a reminder of the importance of inter-agency coordination in all their operations.”

Tukma si Mayor Labella. Maayong managana. Usahay ra ba mao pay atong ipanguros tapus sa usa ka masipa nga kilat. Manguros tang daan, samtang makapanguros pa.

* * *

Giingon dinhi nga usa ka oversight committee ang giumol nga maoy modumala sa pagpa-implementar sa P5.5 bilyones nga modernization sa 112 na katuig nga Carbon Public Market. Ang komite gilangkoban sa kagamhanan sa siyudad, sa Megawide Construction Corporation, ug sa mga tinugyanan sa Carbon market vendors. Importante ni. Kinahanglan i-involve gayud ang mga nanindahay diha sa Carmon Market. Kay kining maong higante nga proyekto, dili kay semento lang, kabilya, lansang ug martilyo, gabas ug kahoy, balas ug grava, ug uban pang mga construction materials, kondili naglambigit kini og mga tawo. People, matud pa, nga modugo ang kasingkasing sa higayon nga ipabaliwala lang sila, ug sa higayon nga gilupigan.

Maayo man gani nga ang Megawide mipasalig nga inig sugod sa konstruksiyon, walay vendor nga ma-displaced. Labi na unya tingaliv nga tapus sa konstruksiyoyon hatagan sila’g priority pag-occupy sa mga luna nga gi-assign kanila.

Atong ma-imagine ang kalinis na unya sa Carbon market, sama na unya sa mga mall ug mga department store, wala na kitay makita nga mga vendors ug mga standby sa gawas ug kilid sa market building. Unsa may anaa unya sa modernized na nga Carbon Market?

Si Irvin Cabales, Market Operations Division head, mibutyag nga ang “Carbon market will house a terminal, commercial buildings, ferry terminal, lifestyle village, puso night market, park and Sto. Niño Chapel.” Nindot.

* * *

Unsa man ning “no vaccination, no work” policy? Literally, nagpasabot nga kinahanglan kang magpabakuna kun dili ka buot mawad-an og trabaho. Apan, alang sa mga employer importante kaayo ang pagbakuna pagpanalipod ang mga empleyado. Apan, gi-declare kini nga illegal sa Department of Labor and Employment (DOLE). “It is not legal for employers to require the employee to be vaccinated (against COVID-19) before they can enter the workplace. There’s no legal basis for that,” nagkanayon si Labor Secretary Silvestre Bello III.

So, dili ka kapapalagpot sa usa ka empleyado  gumikan lang sa iyang pagpabibad nga bakunahan.  “Vaccination cannot be mandated by employers, thus refusal to take a COVID-19 jab cannot be a ground for termination or imposition of sanctions against workers,” dugang ni Bello.

Gikinahanglan ang dugang pagtuon niini, aron makab-ot ang “win-win” solution.

PDEA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with