^

Haguka nga kalampusan

BALITAHOM - Atty. Jose Marie N. Poblete (Banat) - March 5, 2021 - 12:00am

Gihulagway sa Malacañang nga malampuson ang unang adlaw sa pagpamakuna batok sa COVID-19 ginamit ang Sinovac Biotech’s vaccine.  Giingon usab nga malipayon na karon ang mga medical frontliners kay aduna na sila’y kalinaw sa panghunahuna.  Luyo sa mga kapalpakan ug kalangay, nga gikasagmuyô pag-ayo sa katawhan, nakapasiatab na gayod ang mga opisyal nga gitahasan.  Apan hagukâ ang pagpasiatab sa maong kalampusan kay pipila pa man lang ang nabakunahan.  Bisan gani ang guba-on nga relo, magatug-an man sa sakto’ng oras makaduha ka higayon matag adlaw. Daghan na ang uyamot nga mga butang sa kalibutan.  Hinaut nga dili apil niini ang pagpangalagad.  Pasiatab pa more!

Pinugos nga pagbakuna

Gisupak sa kahugpungan sa mga mamumuo ang “no vaccination, no work” nga polisiya nga buot ipatuman sa ubang kompaniya.  Alang kanila, ang maong polisiya usa ka matang sa pagpamugos ug diskriminasyon nga nakalapas sa katungod sa mga trabahante pagdesider sa ilang kaugalingon labi na sa kahimtang sa ilang panglawas.  Giuyonan usab ni Trade Secretary Ramon Lopez ang reklamo sa mga mamumuo.  Dili man tingale isyu mahitungod sa kalapasan sa katungod ang “no vaccination, no work” policy.  Kaayohan sa kadaghanan ang angay ipatigbabaw.  Basta libre lang ang bakuna ug dili lang pabayron ang empleyado, kumbati ra seguro.  Bring it on!

Dagmal usab ang isilot?

Giaprobahan ni Presidente Duterte ang rekomendasyon nga taktakon sa katungdanan ang Philippine Ambassador sa Brazil nga si Marichu Mauro human sa giingon’g pagmaltrato niini sa iyang katabang.  Apan alang kang DFA Secretary Locsin, mapintas ra kaayo ang maong desisyon sa Presidente.  Dili ba pud diay mapintas ang gibuhat nga pagpangdagmal ug pagmaltrato sa ambassador ngadto sa iyang katabang nga mialagad kaniya sa hataas na nga panahon?  Unsa man diay angay ipahamtang nga silot, dagmalan ra pud inay taktakon? Baya no!

Libkason ang restriksyon

Napanglantawan nga mahibalik na ang kumpiyansa sa mga konsumidor ug magpapatigayon ni’ng pagpahigayon unya sa programa sa pagpamakuna batok COVID-19 sa dakbayan sa Sugbo.  Matud pa ni CCCI President Felix Taguiam, ang pag-abot sa bakuna nakahatag paglaum nga mobalik paglambo ang ekonomiya.  Hinaut nga dili lang ang konsumidor ug magpapatigayon ang makabaton og kumpiyansa kon dili lakip pud unta ang mga opisyales nga nagpatuman sa mga lagda.  Kon dili libkason ang mga dili makatarunganon nga restriksyon, walay paglambo nga mabatunan.  Isip-isip kaibigan!

Pakapina’g jollibee

Gibanabana nga 2,900 ka mga healthcare workers sa Vicente Sotto Medical Center maoy unang makadawat sa umaabot nga Sinovac vaccines apan nasayran usab nga dili tanan’g staff sa maong hospital ang buot magpabakuna. Kini’ng baruganan karon sa ubang healthcare workers makapahinumdom kanato sa kasinatian samtang nagpatumar og tambal sa bata.  Magpunay una kita’g alam-alam aron matigayon.  Basin kinahanglan pa usab nga hayloon ang mga healthcare workers nga pakan-on sila’g Jollibee kon magpabakuna sila.  Pagkatoytoy!

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with