Pribadong tawo dili obligado

Dear Atty. Divine,

Ang among ginikanan adunay gibilin nga property. Amo nang na transfer ang title sa maong property ngadto sa among pangan isip mga heirs. Karong bag-o, among gibisita ang among yuta ug among nahibaw an nga aduna kini mga illegal settlers. Among gipatawag sa barangay ang mga squatters  aron sila boluntaryong  mo vacate sa among yuta apan nagdumili  sila sa pag vacate sa property ug mi demand sila og relocation site plus financial assistance. Ang akong pangutana kun obligado ba kami nga mo provide nila og relocation site ug financial assistance? Daghang salamat.

Jane

* * *

Dear Jane,

Basi sa Urban Development and Housing Act of 1992 kini nagkanayon nga kun adunay demolition  basi sa court order, ang lokal nga kagamhanan ug ang National Housing Authority or NHA obligado sa pag-provide og relocation site sa mga biktima sa demolition ug kun ugaling  dili posible ang relocation kinahanglan nga mohatag sila og financial assistance sa mga biktima.

Apan sa kaso sa mga pribadong tawo sama kanimo, dili ka obligado nga mohatag og relocation site or financial assistance sa mga nag-occupy sa inyong property. Mamahimo ninyo silang papahawaon sa property nga inyong gipanag-iya. Hinuon kun gusto ninyo nga mohatag og financial nga ayuda kanila mas maayo apan dili kamo obligado. Thanks and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi  sa akong column matag Miyerkules, Sabado ug Domingo.