‘Vico Sotto among world’s anti-corruptions champions”

Headline kini sa Philippine Star, ako ning ipaambit kaninyo kay usa kini ka dakung garbo kanatong mga Pinoy. At least, alang sa usa ka sulogoon o punoan sa lungsod, mahimo diay nga mo-concentrate lang sila sa tiunay nga pangalagad sa walay paghunahuna kon makasapi ba sila.

Namatud-an kini ni Mayor Vico Sotto sa Pasig. Pasidungog kini sa tibuok kalibotan. Of course, wala kini magpasabot nga kadtong wala maka-award, mga corrupt na. Daghan baya pud tingali sa atong mga public officials ang nagpabiling un-corruptible. Kamo na lay pangita kon hain ug kinsa kini sila.

Ang pasidungog ni Sotto ug laing 11 ka mga awardee, gihatag sa International Anticorruption Champions nga gilusad ug gipasiugdahan ni US Secretary of State Antony Blinken. So, ang America maoy nagtanyag niining maong award.

Matud dinhi, atong kutlion: “The administration of US President Joe Biden introduced the award to recognize individuals who have worked to defend transparency, combat corruption and ensure accountability in their own countries.”

So, gi-introduce kining maong pasidungog sa administrasyon ni Presidente Joe Biden aron pag-ila sa mga individuals nga naningkamot pagpanalipod sa transparency kon kining paghimong bukas, ug walay mga hidden agenda o under-the-table nga mga transaction sa ilang buhatan; ingon man tininuod nga pakigbatok sa korupsiyon o pagpangawkaw sa salapi sa lungsod; ug pagseguro sa ilang tulobagon ngadto sa katawhan.

Ang US Department of State nagkanayon:  ‘Victor Sotto, Mayor of Pasig, The Philippines, is a standard-bearer for a new generation of Philippine politicians who prioritize anticorruption and transparency initiatives in their election campaigns and in office.”

Si Sotto, 29 pa ang edad pagkapili niya nga mayor, ug sa iya pang pagka-konsehal, ang US Department of State “highlighted that Sotto’s prior work as city councilor resulted in a freedom of information legislation. The first such law in Metro Manila, this legislation allowed Pasig residents to request documents without providing justification.”

So, mangayo ka’g information gikan sa city hall sa Pasig, dili ka kinahanglan mo-justify ngano ug unsaon nimo ang information. Freedom of information gud, basta public documents lang.

Dugang pa: “He pledged to avoid any kickbacks in the awarding of city contracts, established a 24/7 public information and complaints hotline, formally involved civil society organizations in the city’s budgeting and policy making, and mandated that the value of all city government contracts be reduced by at least 10 percent – a measure intended to reduce bribery in the contract awarding process.

Ngigang Sotto no? Ang nakanindot kay nasayran kini sa Biden administration. Unsa kahay ilang nasayran sa ubang mga local governments sa atong nasud no?

Ang ubang mga honorees naglakip kanila ni  Ardian Dvorani sa Albania, Diana Salazar sa Ecuador, Sophia Pretrick sa Federated States of Micronesia, Juan Francisco Sandoval Alfaro sa Guatemala, Ibrahima Kalil Gueye sa Guinea, Anjali Bhardwaj sa India, Dhuha A. Mohammed sa Iraq, Bolot Temirov sa Kyrgyz Republic, Mustafa Abdullah Sanalla sa Libya, Francis Ben Kaifala sa Sierra Leone Ruslan Ryaboshapka sa Ukraine.

Si Blinken namahayag nga ang 12 ka awardees “inspired Washington and their counterparts in pursuing their commitment to truth, transparency and accountability.”

Hinaut naka-inspire usab kini sa uban natong mga public officials.