Sugilanon ni Levi ug Red tagging

Si Levi usa man ka kobrador sa buhis sa kapanahonan ni Jesus.

Kun maghisgot kita og kobrador sa buhis giisip silang mga public sinners sa ilang kapanahonan gumikan ning mosunod nga mga rason.

1. Una nialagad sila sa Roman Empire nga maoy nipahamtang sa buhisan ngadto sa katawhan. Alang sa kinabag-an nahimo silang mga public sinners.

2. Ikaduha mahimong paliton ang opisina sa mga kobrador sa buhis mao nga dili ikalimod nga anaa gyud ang pangurakot butang gikaligutgotan sa mga tawo niadtong mga panahona.

Si Jesus ingon nga moral figure expected gyud unta nga magpuyo segun sa gilatid nga standard sa mga tawo niadtong mga panahona.

Kinahanglang magpalayo siya ning mga tawhana. Ang pagpakigsalo niya sa ilang kalan-on mao man ang naghimo kanila nga napungot usab ngadto sa moral figure nga si Jesus nga taga Nazareth.

Apan gitataw kini ni Jesus nga ang mga tawo nga walay sakit wala man magkinahanglan og doctor kondili ang mga masakiton lamang.

Ingon nga kabahin sa iyang healing ministry mao man ang pagpabalik sa naandang kutay sa tawhanong kalambigitan sa katilingban niadtong giisip nga mga sinalikway.

Mao ni ang hinungdan kun nganong si Jesus nahimong inila ug pinangita labina nila nga anaa sa mga hilit nga dapit sa iyang kapanahonan.

Dili pa lang dugay nahitabo kunohay ang rescue operation alang sa mga lumad.

Ang maong rescue operations nagtumbok nga kuno ang mga menor de edad gi-train aron mamahimong kaabin sa armadong CPP NPA.

Di ta ka blame kay may T-shirt man gud nga USC Warriors naa man gani ko ini samtang nagtudlo pa ko kaniadto.

Nigawas gyud ang pundo sa intelligence fund pinaagi sa paghimo ning maong scenario.

Tungod lang ba kay imong giatiman ang kinabuhi ug panginahanglan sa mga lumad maisip ka nang rebelde? Tanan lang gyud ba diay rebelde?

Daw mga tawo nga sila nga sama sa mga Pariseo kaniadto nga nahimong mga tawong kusog kaayo mo red tag ni bisan kinsa.

Bisan kun sayud kita nga ang ilang higalang gisandigan karong mga panahona gawas nga mga walay Dios ni relihiyon mga tawo pud diay nga komunista.