_banat
^

Mga maayong balita

SAKSAK SINAGOL - Lucky P. Malicay (Banat) - February 24, 2021 - 12:00am

Aniay maayong balita. Gikalipay sa Department of the Interior and Local Government ang pagpirma sa usa ka memorandum nga nagtugot sa mga local government units nga makahimo pag-advance sa ilang balayranan alang sa mga bakuna sa coronavirus.

Ang Memorandum Order No. 15 nga gipirmahan ni Presidente Rodrigo Duterte nagtugot sa National Task Force Against COVID-19 ug ang Department of Health nga makahimo pag-advance sa pagbayad nga labaw sa 15% sa kinatibuk-ang kantidad sa kontrata alang sa pagkuha sa mga bakuna sa COVID-19.

Si Interior Undersecretary Bernardo Florece miingon nga kining maong lakang nagtinguha nga mapadali ang pagkuha sa mga bakuna batok sa COVID-19 alang sa katawhang Pilipino.

* * *

Ug aniay laing maayong balita alang sa mga estudiyante nga nagpuyo sa south district niining dakbayan sa Sugbo kinsa kamulo karon sa ilang online classes gumikan niining padayong pandemiya sa coronavirus  disease. 

Unom pa ka mga estudyante nga Sugbuanon ang nakadawat og libre nga mga laptop ug tablet kaniadtong Pebrero 13, 2021 ilalum sa nagpadayon nga Project54 +, usa ka programa nga nagtabang sa mga pobre nga mga tinun-an alang sa ilang pagpadayon pagtungha. Ang Project54 + usa ka inisyatiba ni Atty. Aristotle “Totol” Batuhan ug Abante Barangay. Sukad sa paghimugso niini kaniadtong Septyembre 2020, ang maong proyekto naghatag na og gadget sa 46 nga mga estudyante sa dakbayan sa Sugbo kinsa naglisod sa pagsagubang sa online mode of education.

“We are happy to see the growing community of Project54+ winners. It is heartwarming to know that this project has become instrumental in easing the difficulties of online learning currently faced by students and their families,” matud ni Batuhan. 

Alang kay Rose Marie Hermosa: “Ang pinaka ganahan jud nako aning proyektoha is that dili lang siya para sa kung kinsa ang pinakabrayt or pinakamaayo, as long as naningkamot ka and you inspire others, then definitely there’s a chance to win.”

Si Rose Marie usa ka third year student sa BS Accountancy. Midaug siya og usa unit nga Asus laptop kauban ang iyang igsuon nga si Marry Rose Hermosa, usa ka first year college student sa sa University of Cebu.

Ang uban pang mga mananaug sa Project54 + karong buwana mao sila Eilert Niere Tucson (Ramon Duterte Memorial National High School), Anabelle Marie dela Peña Plaza-Panugaling (Cebu Technological University - Cebu City Mountain Satellite Campus), ug Johnriel Yosores (Basak Community School). Ang matag usa kanila nakadawat usa ka unit Acer tablet.

Ang Project54 + gikatakda nga molusad sa sunod nga promo. Kadtong mga estudyante nga gusto nga moapil giawhag sa pagsunod sa Facebook page sa Abante Barangay, Bayan sa Kabataan kay Batuhan - BKB, ug Totol Batuhan alang sa dugang pahibalo ug mga sumbanan sa maong indigay.

GOVERNMENT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with