^

Magpuasa bisan pasmo na

BALITAHOM - Atty. Jose Marie N. Poblete (Banat) - February 18, 2021 - 12:00am

Ang Archdiocese sa Sugbo mipahinumdom sa mga tumoto-o sa pagpuasa ug paglikay sa mga hilig sa lawas sa adlaw sa Miyerkules sa Badlis, nga mao usab ang adlaw sa pagsugod sa kwaresma.  Matud pa sa tigpamâbâ sa Archdiocese nga mahimong dili kita mosimba o dili mokalawat o magpabadlis, apan kinahanglan nga magpuasa ug maglikay sa mga hilig. Ni’ng awhag sa simbahan, nakatuaw ang akong silingan sa pag-ingon, “Hagbay ra man intawon ‘mi nga nagpuasa.  Pagsugod sa COVID diin istrikto kaayo ang mga lagda, nagkapasmo-pasmo na man gani mi.”  Hala no!

Dili kahuwat sa bakuna

Misugyot na ang National Economic and Development Authority (NEDA) nga ipaubos na ang tibuok nasud sa modified general community quarantine (MGCQ) aron matubag na ang kalisod  nga nahiaguman gumikan sa padayon nga lockdown.  Angayan nga paminawon ang sugyot sa NEDA.  Ang pagpakigbatok sa kagutom gumikan sa kawalay kita ug trabaho sama ra man usab ka mahinungdanon sa pagpakigbatok sa coronavirus.  Unsaon pa man unya ang bakuna, kon ang katawhan nahagbâ na sa kagutom ug kaluya? Fezteleern!

Langit ra’y nasayod

Mipasalig ang Megawide Construction Corp., nga dili mausab ang abangan diha Carbon Market bisan kon kini ubos na unya sa pagdumala sa maong kompanya.  Kon ugaling adunay kausaban, nagkinahanglan pa kini’g pagtugot gikan sa konseho sa dakbayan.  Singkwenta anyos ang kontrata sa pagdumala sa Carbon Market ubos sa Megawide.  Sa paglanat unya sa panahon, kon ugaling mahitabo ang gikabalak-an, kinsa man unya ang tulisokon?  Kon magmalampuson ang proyekto, kinsa man ang pasalamatan?  Tubag sa akong amigo, “Langit ra’y nasayod”.  Saoonz!

Pagpili: ungô o kawatan

Miangkon si Konsehal Niña Mabatid nga dili masayon alang kaniya ang pagbutyag sa tinuod nga pagkatawo sa gihinganlan niya’g “UNGÔ” diha sa Cebu City Hall, kay mahimong mameligro usab ang iyang kinabuhi. 

Apan mihatag siya ug ilhanan kon kinsa ang “ungô” kay matud pa niya, “gikahadlokan ang maong binuhat diha sa City Hall, mokalit lang og tunga, unya mawagtang ‘sab dayon”.  Dili kaayo laksot ang “ungô’ kon itandi sa kawatan.  Matud pa bitaw sa akong apohan, “Mas maayo pa’g makasilingan ka’g “ungô” kay sa kawatan. Kay, sukwahi sa kawatan, ang “ungô”, dili man mangunay ug balbal sa silingan.”  Isip-isip!

Daghan “fish,” wa’y order

Gikataho nga wala na modawat og dugang order sa bakuna batok COVID-19 ang pharmaceutical company nga AztraZeneca gikan sa Pilipinas tungod kay wala na’y supply nga ikahatag ang maong kompaniya. Nakapahinumdom kanako sa interview sa usa ka opisyal sa Mindanao diin gipangumusta siya mahitungod sa kahimtang sa “peace and order” sa ilang lugar.  Yano’ng mitubag ang maong opisyal sa pag-ingon, “Ah, OK man ang Mindanao; daghan kami ug “FISH” diri, pero wala kaayo “ORDER.” Mao amo na lang gipangbulad.”  Pagkatuytoy!

SUGBO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with