“More productive at home”

Mao kini pamahayag ni Cebu City Mayor Edgar Labella, nga mas productive siya karon nga atua ra siya sa balay mag-opisina, samtang nag-recover pa siya gikan sa ear infection.

Bitaw, kining work from  home, duna sa baya ni advantage. At least, maminos ang mga tawag sa telepono, walay atubangon nga daghang bisita nga maghuwat gawas sa imong opisina, ug kon duna may problema, mahimo man nga imo kining masulbad bisan kon anaa ra ikaw sa balay.

In the case ni Labella, bukas man ang iyang buhatan, ug ang iyang staff naglihok man, ug kanunay ang communication tali sa ug Mayor sa City Hall. Sa ato pa, wala ma-suspenso ang serbisyo gikan sa city hall.

In my case, gumikan sa pandemic, naka-realize ko nga gumikan niining pag-stay home kanamong mga senior citizen, daghan sad diay kita’g mahimo sulod sa panimalay. Aduna akoy mga kailang mga negosyante nga nag-work at home usab sila. Meaning, nag-manage sa ilang mga patigayon ug mga buhatan sulod sa ilang mga balay.

Sa iyang bahin, si Labella nagkanayon: “If there is one thing that the pandemic has taught us, it is that most work can be done from anywhere. Although I have been forced to stay at home by my doctor, I have been more productive than ever.” Iyang gi-enumerate ang iyang mga nahimo samtang atua siya sa ilang balay nagtrabaho (Inyo kining mabasa sa gi-post niya sa Facebook). Niining atong panahon karon, maoy mahinungdanon ug kinahanglanon ang paghiusa sa matag lungsuranon, aron, together atong sulbahon kining dakung suliran nga atong giatubang karon.

* * *

Resign. Mao kini ang awhag ni Jessica Resch, presidente sa Sangguniang Kabataan (SK) ning dakbayan ngadto sa kauban niya mga opisyales, kon dili sila makatuman sa ilang mga responsibilidad  ngadto sa ilang mga konstituente. Si Resch nakadawat og mga taho nga adunay pipila ka barangay diin ang mga SK officials wala na mag-function as  mandated, sama sa pag-conduct sa regular nga meeting. Matud ni Resch: “Naay uban nga wala na mag-session, dili gyud na pwede. “Pirme nato sila ipatawag, para paminawon nato ang ilang side pud. If dili gyud sila magpakita, ato i-recommend ang ilang names ngadto sa Sangguniang Panlungsod alang sa possible nga suspension.”

Sa akong nahibaw-an, usa sa dakung katuyoan pagmguna sa SK mga nga maka-provide kini og kahigayonan pagbansay sa mga batan-on (leadership training) aron mamahimo silang tiunay nga mga punoan sa lungsod sa higayon nga makahupot na sila’g dagkung katungdanan sa pangagamhanan. Nindot kaayo ni nga kahigayunan. Wala kini sa among panahon. Mao nga kamong gihatagan niining maong oportunidad, magtinarong sad mo. Sa inyong mga pangdearon karon, giisip na kamo nga mga public officials, mga public servants. Aduna ra bay ma sugyot nga i-abolish ang SK, tungod kay wa konoy  kapuslanan ug walay nahimo. Let’s prove them wrong.

* * *

Niining atong pagsaulog unya sa ika-500 ka tuig nga kasumaran sa pagka-Kristiyanismo sa atong nasud, ang Butuan City wala mo-give–up sa ilang claim nga ang Unang Santos nga Misa wala sauloga sa Limasawa Island, kondili didto lungsod sa Baug nga karon sakop na sa dakbayan sa Butuan. Aduna silay mga ebidensiya pag-support niini. Ato kining atangan.