“People’s cooperation key in curbing cases – OCTA”

Headline kini sa The Freeman. Bitaw. Kon magpabilin kining atong pagkahi’g ulo, magpadayon gayud kining pagsaka karon sa mga natakdan sa virus. Apan, yuna pa, unsa man ning OCTA?  Pagka-ignorante na gyud nako karon uy!

Anyway, kon utro sad mong wa mahibawo unsa ning mananapa, pangutana na lang mo sa inyong mga silingan kon unsa kini. Kon wa pa mo makabasa niinni, ania: “OCTA Research has warned that Cebu City’s daily new cases can soar to as many as 150 per day if residents continue to neglect the minimum health protocols. Cebu City is the primary driver of the upward trend of COVID-19 here (in Cebu) as it averaged 78 new cases per day over the past week.”

Ang sulbad niini mao ra gyud ang atong pag-cooperate unsa man ang ipabuhat kanato sa atong gobiyerno. It’s just as simple as that.  Apan, gumikan sa atong pagdanghag ug pagkagahi sa ulo, dili na simple kining  pagpatuman sa mga health protocols. Diay, matud dinhi: “OCTA Research is an independent and inter-disciplinary research group composed primarily of the University of the Philippines faculty members and alumni and contributors from the University of Santo Tomas and the U.S.-based Providence College”

Ok, kasabut na ko, apan unsa man ning O-C-T-A? Office of Civil Technological Authority? Parehao ining ARMM, SOCCSKSARGEN, MIMAROPA, CAR, CALABARZON, ubp – unsa man ni sila, hain man ni sila dapit, unsa man nga mga lalawigan nga nasakop kanila? At any rate, matud dinhi,  “Dr. Bryan Lim, an infectious diseases specialist and EOC consultant, called on everyone to work together and improve efforts in implementing health standards.”

Maghisgot kita’g pagbatok sa coronavirus, kining tanan, mag-agad sa matag usa kanato nga pagtuman sa mga health restrictions nga gipahamtang kanato sa atong kagamhanan. Ni Dr. Lim pa: “Let us all work together and double our efforts in implementing health standards among our constituents.”

Lisud ba gud ni?

* * *

Niay lain:  ”City Hall eyes to revive price control council.” Akong tan-aw, ayaw na lang  mo pag-eyes-eyes diha, i-iplement na lang gayud kon unsa man ang inyong gilaraw nga dili makapatuyang ang pipila ka patigayon pagsaka sa ilang mga prisyo, pahimulos sa atong kahimtang karon.

Specifically, ang presyo sa isda karon, mahal na gyud kaayo. Ang Bodboron tag-P200 ang kilo,samtang ang Tamarong, P250 ang kilo. Ang Kitong, Lapulapu (alyas Pugapo), Katambak, Molmol ug uban pangmahalon nga isda, tag-P300 ngadto na sa P350 ang kilo.Ang isda ray atong gihisgutan dinhi kay ako nang giminosan ang akong consumption  sa karne. Kahibawo man mo nga hapit na ta matiguwang.

Nagtigum sila si Irvin Cabales, city market administrator ug Konsehal Renato Osmeña Jr., chairman sa committee on markets bahin niining maong tinguha pagkontrol sa prisyo sa mga basic commodities.

Hinuon, sa iyag bahin, si Director Salvador Diputado sa Department of Agriculture-7, namahayag nga sa pagkakaron, wala pa kinahanglana ang pag-price freeze, tungod kay sama sa karne sa baboy ug manok, manageable pa man ang mga prisyo. “Still within the normal range” pa, matud niya. Hinumdoman nga karong bag-o gi-impose ni Presidente Rodrigo Duterte ang” 60-day price freeze on pork ug chicken” sa Metro Manila. Maayo pud nga ato kining i-impose dinhi sa ato.