_banat
^

Angay na sugdan ang Carbon dev’t

SAKSAK SINAGOL - Lucky P. Malicay (Banat) - February 3, 2021 - 12:00am

Miani og bagang suporta gikan sa nagkalainglaing sektor ang lakang sa lokal nga kagamhanan sa dakbayan sa Sugbo pag-modernize sa Carbon Public Market, ang labing dako nga merkado dinhi sa siyudad ug tibuok lalawigan.

Ang ulahing mipadayag pagsuporta sa plano pag-develop sa maong merkado mao mismo ang kahugpongan sa mga vendors niini.  Kini sila mga sakop sa Carbon Market Vendors’ Association, usa sa dako nga grupo sa mga manindahay sulod sa maong merkado.

Gawas sa maong asosasyon, mipadangat usab sa ilang suporta ang mga miyembro sa Flowers Section of the Freedom Park Vendors’ Association uban usab sa mga sakop sa Alliance of Cebu Trike drivers and Independent Vendors.

“Wala mi nag-oppose sa project aron manindot ang Carbon sa Cebu,” matud pa ni Ester Tenchavez, presidente sa Carbon Market Vendors’ Association, sa taho nga migawas sa The Freeman niadtong Domingo. “As the No. 1 stakeholders... naa mi i-clarify nga mga issues nila… makig-lingkod mi sa LGU and Megawide.”

Nauna nang mipagawas sa ilang suporta ang hugpong sa Overseas Filipino Workers ngadto sa maong proyekto. Matud pa sa OFW Movement, ang lakang pag-develop sa Carbon Public Market makahatag og dakong oportunidad sa mga OFW nga nawad-an sa ilang trabaho gumikan sa pandemiya sa coronavirus nga makatrabaho sa atong lugar.

Ang ilang mga suporta mitumaw nunot usab sa protesta batok sa maong proyekto nga pagaugmaron sa Megawide, ang kompanya nga gitahasan sa dakbayan pag-develop sa maong merkado. Gani, ang ribal nga developer sa Megawide gikataho nga mosang-at kuno og reklamo ngadto sa Office of the Ombusdman-Visayas batok sa lokal nga pangagamgahanan.

Hinuon, taliwala niining dakong isyu sa mga protesta batok sa dakbayan ug sa developer sa maong proyekto, manghinaut lamang kita nga madayon gayud ang lakang pag-modernize sa Carbon Public Market.

Dili nato ikalimod nga ang maong merkado, isip nagdala sa imahe sa ning dakbayan sa Sugbo, nagkinahanglan na gayud nga i-modernize tungod kay naapsan na kini sa panahon. Ug angay lamang nga sugdan na ang development niini sa dali nga panahon.

Sa hataas nga katuigan, ang Carbon Public Market kabahin na sa inadlaw-adlaw nga pagpakabuhi sa liboan ka katawhan dili lamang sa dakbayan kondili sa mga silinganang lugar. Gani, hilabihan ka dako ang natampo niini sa ekonomikanhong kalamboan sa atong dakbayan.

Angay lamang nga ato kini nga i-modernize alang sa dugang usab nga kalamboan. Ug ang kalamboan unya sa Carbon Public Market maghatag og dugang kita sa dakbayan tungod kay daghan na unya ang mamumuhonan ang mobubo og dugang negosyo sa maong merkado.

CARBON MARKET
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with