_banat
^

Banat Opinyon

Zarzuela sa CCMC

LINTUNGANAY - Fred Languido - Banat

Tangkod na’ng usa ka buwan karong adlawa sukad giinagurahan sa dakbayan sa Sugbo ang bag-ong building sa Cebu City Medical Center.

Apan hangtud karon wala pa magamit ang unang tulo ka andana niini nga maoy gipasalig ni Mayor Edgar Labella.

Bisan ang groundfloor nga giingon nga magsilbi nga outpatient department sa CCMC wala pa magamit.

Ang hinungdan tungod kay hangtud karon nagpadayon pa gihapon ang trabaho. Wala pa gyud kini mahuman sukwahi sa gipasiatab sa mga opisyal sa  dakbayan sa Sugbo.

Zarzuela lang ang inagurasyon nga ilang gihimo niadtong Disyembre 28, 2020 aron pagsalbar sa dako nilang kauwawan tungod sa pasalig nga mahuman ang unang tulo ka andana sa hospital ug mamahimo na nga magamit sa dili pa mahuman ang tuig.

Bisan klarong  nagkara-kara tungod sa dakong trabaho nga wala mahuman natigayon gyud ang inagurasyon. Misalida silang Mayor Labella, Vice Mayor Michael Rama ug ubang mga opisyal sa dakbayan.

Apan human sa ilang pasundayag, nagpabilin ang kamatuoran nga dili matago, dili pa andam ang bag-ong CCMC aron modawat og mga pasyente.

Ug nga dili mahimong ipamugos nga gamiton bisan wala pay occupancy permit gikan sa Office of the Building Official (OBO) tungod kay mabutang sa peligro ang mga tawo nga mogamit niini samtang nagpadayon pa ang trabaho sa construction.

* * *

Human sa pila ka adlaw nga wala igkita sa publiko, mipatim-aw na si Mayor Labella gahapon pinaagi sa virtual press conference uban sa mga reporters sa City Hall.

Ang pagpakita sa mayor sa makausa pa nagprobar sa sayop nga mga kasayuran nga seryoso ang kahimtang sa iyang panglawas.

Gipasabot ni Labella nga kinahanglan lang niya nga magpuyo unya sa balay sigun sa tambag sa iyang doktor.

Iyang gipasalig nga maayo na ang iyang kahimtang gawas lang sa anti-biotic nga gikinahanglan niyang tiwason og inom tungod sa infection sa iyang dunggan.

Apan luyo sa pasalig sa mayor nga himsog ang iyang panglawas dili ikalimod ang dakong kausaban sa iyang hitsura. Aron hingpit nga mahanaw ang kabalaka ug pagduda mahitungod sa tinuod nga estado sa panglawas sa mayor, tingali maayong iyang ipasabot o ba kaha iyang hangyoon ang iyang doktor pagpasabot sa mga molupyo sa dakbayan sa Sugbo unsay hinungdan sa kalit nga kausaban sa iyang hitsura.

Ug tingali makatabang alang sa hingpit niyang kaayohan ang paglugway sa iyang sick leave. Inay nga mag work-from-home dili kaha mas maayo nga itugyan lang una niya ang pagpadagan sa dakbayan sa iyang bise mayor samtang siya nagpaalim sa iyang balatian?

Wala ko makakita og rason nganong mopugos gyud si Labella sa pagbalik sa trabaho bisan wala pa mahingpit ang iyang kaayohan. Wala ba siyay salig sa iyang bise mayor ug kauban sa partido?

CCMC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with