_banat
^

Ania na ba kita sa second wave?

SAKSAK SINAGOL - Lucky P. Malicay (Banat) - January 27, 2021 - 12:00am

Walay puas ang pagsaka sa mga bag-ong kaso sa coronavirus disease o COVID-19 sa dakbayan ug lalawigan sa Sugbo gumikan sa pagpanggawas sa katawhan sukad pa kaniadtong kasaulogan sa Pasko hangtud na sa piyesta señor.

Ug tungod niini, dakong karon kun ania na ba ang Sugbo sa gitawag nga second wave sa COVID-19 infections nga sama sa nahitabo sa ubang kanasuran. Nga mao kana ang gikahadlokan sa tanan.

Apan wala pay tubag ang rehiyonal nga buhatan sa Department of Health sa Central Visayas sa maong kalamboan karon. Kini tungod kay nagpaabot pa kini sa dugang datos sa mga bag-ong kaso  sa COVID-19 aron analisahon.

“Atong makita based on our data nga rising gyud ang COVID-19 cases in Cebu City but epekto ni sa mga post-holiday activities. This cannot be a second wave yet,” matud pa ni DOH-7 spokesperson Dr. Mary Jean Loreche.

Matud pang Loreche nga makonsidera lamang ang second wave kung padayon gayud sa pagsaka sa mga kaso sa coronavirus. Basihan  usab niini ang case-fatality ratio, sitwasyon sulod sa mga hospital ug uban pa.

Hinuon, matud sa opisyal sa DOH-7, sa Pebrero pa mahibaw-an ang tinuod nga sitwasyon sa dakbayan, kun anaa na ba kita sa second wave sa tinakdanay. Kini human sa ebalwasyon unya sa rekord sa mga bag-ong kaso sa maong balatian.

Apan daghan ang nagtuo nga, dinhi sa dakbayan sa Sugbo, miabot na gayud ang second wave sa tinakdanay sa COVID-19 kun basihan lamang ang walay palta nga pagsaka sa mga bag-ong kaso sukad pa niadtong Disyembre.

Gani, sa Barangay Guadalupe, adunay lockdown nga giimposar ang mga opisyal sa barangay nunot sa pagsaka sa mga bag-ong kaso sa COVID-19. Wala nay taga gawas nga makasulod sa maong lugar sukad pa sa niaging adlaw.

Ang Guadalupe maoy adunay labing daghan nga kaso sa bag-ong tinakdanay sa coronavirus sa mga barangay sa siyudad sa Sugbo. Misunod niini ang mga barangay sa Mambaling, Talamban, Tisa, Kasambagan, Kamputhaw, Bacayan ug Punta Princesa.

Hinuon masumpo lamang kining pagsaka sa mga bag-ong kaso sa COVID-19 ug malikayan ang gikahadlokan nga second wave dinhi sa Sugbo kun pakusgan pa sa otoridad ang pagtuman sa mga health protocol.

Sa atong nakita, nagkadaghan na ning mga badlongon ug mga gahi’g ulo nga dili gayud mopatuo sa pahimangno kabahin sa lagda sa pagpanagang batok niini maong balatian. Sila ang hinungdan nganong walay paglurang kining mga kaso sa COVID-19 dinhi.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with