Tanyag nga P5-billion pahulam gikan sa LBP

Good news kaayo ni alang sa dakbayan sa Sugbo. Si Konsehal Raymond Alvin Garcia, chairman sa City Council finance committee, nagpahibawo nga ang Land Bank of the Philippines (LBP) mitanyag og pahulam nga mokabat og P5 bilyones ngadto sa Dakbayan sa Sugbo.

Ka daku ining kwartaha uy! Kon akoy pabut-on ini, ako ning dawaton. Kay matud pa, to reject an offer is an insult. After all, kon dawaton isipon man kini nga standby loan facility, meaning, ang interest nga bayran mao ra kadtong kantidad nga magamit. Kon pananglitan balig P50 milyon ang magamit, mao ra usab kini ang basihan sa interest nga bayran. The rest of the amount i-standby lang una alang sa mosunod nga mga proyekto nga i-implement.

Matud ni Garcia, ang maong kantidad gamiton pag-finance sa mga proyekto ubos s a annual investment plan (AIP) sama sa pag-upgrade sa traffic system; galastohan pagtubag sa COVID-19 rehabilitation and recovery; mga medium-size buildings alang sa mga informal settlers kon mga squatters, flood control, ug pag-establish sa Cebu City College.

Kadaghang proyekto nga atong mapatuman gikan niining maong loan. Kining city college, pananglitan, makapangutana kita ngano nga ang dakbayan sa Sugbo wala may kaugalingong tunghaan sa kolehiyo? Unta, kon duna kitay kaugalingong kolehiyo, aduna kitay alternative nga katunghaan Cebu sa atong mga anak, nga barato ang tuition, kay ang mga pribadong koliheyo ug unibersidad, prohibitive na kaayo ang mga bayranan.

Unya, maayo unta pud nga malakip ang paghuman sa Cebu City Medical Center (CCMC), aron kapahimuslan na kini sa mga Sugbuanon, ilabina kadtong dili maka-afford pagpa-admit sa mga pribadong ospital.

Matud ni Garcia, gidapit na sa City Council ang kadagkoan sa LBP aron maka-present ug makahatag sila’g katin-awan bahin sa loan nga ilang gitanyag ngadto sa dakbayan. Gipaabot nga motunga sila sa unang semana sa Pebrero. Dugang ni Garcia, sumala sa napatik sa The Freeman: “I cannot say for sure nga ato gyud na siya’ng dawaton. But if you ask me personally, there is really no harm in availing of that loan. Why? Because that loan is a standby loan facility. The city has not obtained a loan since the start of the COVID-19 outbreak and does not need one, but since LBP made an offer they will listen to the proposal.” Ato ning balibaran?

* * *

Economic Cha-cha. Giingon nga kon madayon ang Cha-cha, unya ang mga economic provisions ra ang tukion ug himoan og mga amendments, maka-generate kini og 1.6 milyones ka bag-ong trabaho. Nindot kon maoy mhitabo. Usahay ra ba kining mga projections kutob lang sa sulti.

Actually, kining maong projections, resulta kini sa mga pagtuon nga gihimo sa University of the Philippines. Sa ato pa, gibasi kini sa mga pagtuon sa UP, ug dili sa atong gobiyerno mismo.

Ang major amendment mao ang pagpasayon sa mga langyaw’ng patigayon pagsulod nganhi sa atong nasud. Mao kini ang gitawag nga direct  foreign Investments (FDIs). Matud pa,“easing the constitutional provisions that bar foreign ownership of certain industries would cut down unemployment by 40 percent.”

Ato ning padayonon sa sunod natong mga lindog, kay nindot ni.