^

Tungod sa atong kakabos

ARANGKADA - Leo Lastimosa (Banat) - January 24, 2021 - 12:00am

Ang kakabos sa Pilipinas maoy pasaporte niini sa listahan sa mga nasud nga libreng makadawat og 44 milyones ka doses sa bakuna gikan sa World Health Organization (WHO). Kansang COVID-19 Vaccine Global Access (COVAX) Facility motino nga makakuha og mga bakuna ang 92 ka kinapobrehan nga mga nasud.

Ang di maayong balita mao nga tungod sa pagdumili nilang Chinese President Xi Jinping, Russian President Vladimir Putin ug kanhi US President Donald Trump pagtabang sa COVAX, $2.1 bilyones ray natigom, kuwang og $4.9 bilyones sa target nga $7 bilyones.

* * *

Mao nga di matuman sa COVAX ang pasalig nga mabakunahan ang 20% sa mga Pilipinhon ug mga molupyo sa laing 91 ka nasud. Sa gibanabana nga 110 milyones ka Pilipinhon, 22 milyones unta ang libre nga mabakunahan pinaagi sa COVAX karong tuiga.

Niangkon si vaccine czar Carlito Galvez nga gipahibawo na sila sa WHO sa niaging semana nga 15% na lang, o 16.5 milyones, sa mga Pilipinhon ang mahatagan og bakuna. Inay 44 milyones ka doses, 33 milyones ka doses ang anam-anam nga mapada sa COVAX sugod sa sunod buwan.

* * *

Gilista sa COVAX ang Pilipinas uban sa mga nasud nga may lower middle income: Angola, Algeria, Bangladesh, Bhutan, Bolivia, Cabo Verde, Cambodia, Cameroon, Comoros, Congo, Côte d'Ivoire, Djibouti, Egypt, El Salvador, Eswatini, Ghana, Honduras, India, Indonesia, Kenya, Kiribati, Kyrgyztan, Lao People’s Democratic Republic, Lesotho,

Mauritania, Micronesia, Moldova, Mongolia, Morocco, Myanmar, Nicaragua, Nigeria, Pakistan, Papua New Guinea, Philippines, São Tomé and Principe, Senegal, Solomon Islands, Sri Lanka, Sudan, Timor-Leste, Tunisia, Ukraine, Uzbekistan, Vanuatu, Vietnam, West Bank and Gaza, Zambia ug Zimbabwe.

* * *

Mahimong madugangan pa ang pundo sa COVAX karon nga nibanos na sa White House si US President Joe Biden, nga nibalik dayon sa pagpasakop sa WHO ug sa dakong tampo sa panudlanan sa institusyon. Ug ang bisan unsa nga himuon sa US mahimong puhalan dayon nilang Xi ug Putin nga ganahan sab nga magpahumot sa ubang kanasuran.

Apan nagkapuliki pa si Biden sa paghapsay sa kaguliyang nga gibilin ni Trump ug sa pagpatuman sa iyang pasalig pagpamakuna og usa ka milyon ka Amerikanhon matag adlaw sa unang 100 ka adlaw sa iyang pamunoan.

* * *

leolastimosaa@gmail.com

COVID-19 VACCINE WHO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with