Titulo vs. tax declaration

Dear Atty. Divine,

Dunay property nga kabilin sa akong papa nga anaa mahimutang sa among probinsya.

Ang tax declaration niini nakapangan sa akong papa ug iya sab kini nga sinunod sa akong lola.

Pagkamatay sa akong papa among  gisubay ang property apan nakurat nalang kami kay duna na man kini laing tag-iya ug gikural na gani kini.

Sa dihang amo kining gireklamo sa barangay ug nag-atubang mi ngadto nakapresentar man sila og title.

Ang akong pangutana, kinsa man ang mas dunay katungod sa property, ang nagkupot sa titulo o ang nagkupot sa tax declaration? Daghang salamat.

Jen

* * *

Dear Jen,

Ang titulo maoy lig- ong proof of ownership sa usa ka property.

Busa between titulo ug tax declaration, ang titulo mao gyud ang mo prevail.

Ang tax declaration mamahimong magamit isip ebidensya nga ikaw ang nag okupar ug nanag-iya niini provided nga way laing tawo nga nagkupot og titulo sa maong property.

Sa imo nga kaso nakapresentar og titulo ang laing claimant samtang ang imong gikuptan tax declaration lang, kun mag-abot mo sa korte mas tuohan gyud niini ang titulo gawas lang kun duna kay mapakita nga proof nga illegal ang ilang pag acquire sa maong title. Thanks and God bless.

Atty. Divine

* * *

Alang sa inyong pangutana palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.