^
EDITORYAL - Bakuna isip pasaporte

EDITORYAL - Bakuna isip pasaporte

(Banat) - January 17, 2021 - 12:00am

Tungod sa coronavirus, dili na makasaosayon og biyahe ang publiko sa laing lugar tungod sa kabalaka sa mga dapit nga magdala sa virus ang biyahidor diha sa ilang lugar.

Sa papel tinuod kini, apan sa aktwal ug inadlaw-adlaw nga panghitabo wala hingpit napatuman ang grabeng paghigpit sa mga utlanan.

Ilabi na sa mga managsikbit lang nga mga LGUs o probinsya o mga isla nga diin ang mga residente naanad lang sa pagtabok-tabok sa mga silingan dili na sila manumbaling nga taga laing isla o taga pikas probinsya ang naglaroy-laroy sa ilaha.

Gawas pa, hasol gyud kaayo karong panahona ang pagbiyahe tungod sa kadaghan sa mga papeles nga kinahanglang andamon.

Apil sab niini kining mga mandatory swab testing ug ang 14 ka adlaw sab nga mandatory quarantine period sa mga bag-ong nangabot.

Duna karo sugyot nga mopatuman og “passport-style” passes sa mga biyahidor. Mahatagan lang niini kadtong mga tawong nakapabakuna na batok sa Covid19.

Kadtong duna niini nagpasabot nga nabakunahan sila ug dili na sila makatakod sa uban.

Pinaagi sab niini,mas masayon nalang sa mga biyahidor ang pagbiyahe pinaagi lang sa pagpresentar sa ilang vaccine passport.

Dunay mga nagtinguha nga himuon na gyud kining rekisitos sa tanang tigbiyahe aron dili na sila mahasol pa sa ilang paglarga.

Apan aron katuohan ug respetuhon ang maong pasaporte, kinahanglang gipaluyohan kini og balaod.

Mas maayo pa gyud kun kini mamahimong rekisitos na sab sa tanang kanasuran aron sab makaabante na ang mga ekonomiya.

Kay sa pagkakaron, ang mga biyahidor kinahanglan man mopresentar og resulta sa swab test nga negatibo sila sa virus una sila tugotang makalawig.

Kaning coronavirus nakapausab gyud sa naandan sa mga tawo. Kadtong dili motuman maoy mahasol sa kausaban.

LGU
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with