Sa dihang nidaghan ang pan

Kini ang maisip nga milagro nga gihimo ni Jesus sa dihang giabot siya og tumang kaluoy sa mga tawo nga nagsunod sunod kaniya.

Bisan pa man sa praktikal nga tambag sa iyang mga tinun-an nga kinahanglan sila moadto sa mga kabarangayan aron mamalit og makaon kay hilit kadtong dapita. Apan si Jesus hugtanon ug kusganon nga nagkanayon: “kamoy hatag kanila og makaon” ning paagiha nahitabo ang milagro sa pagdaghan sa pan ug isda.

Usa sa mga interpretation sa maong milagro mao man ang pagtawag niini ingon nga miracle of sharing. Miracle of sharing kini tungod kay ang maong milagro nagasukad man sa pag-inamibitay sa matag usa sa ilang mga provisions. Kaniadto ang mga tawo magdala gyud og pan nga hinimo gikan sa sebada ug processed nga isda. Ang atong kasinatian nagtudlo man kanato nga kun atong ipaambit ang bisan unsang diyotay natural kini modaghan gayud.

Apan lisod mahitabo kining maong milagro labina kun ang matag usa kanato nahimong binilanggo mismo sa atong tagsatagsa ka mga katigayonan.

Malisod alang kanato ang paghatag. Malisod alang kanato ang pagpaambit labina kun giisip nato kining bahandi bisan pa man kun kini sobra na alang kanato. Mao nga sa mosugot ta ug sa dili daghan gihapon ang nag-antos kay daghan man pud ang buot nga sila mag-antos sa hilabihan.

Sa laing bahin ning panahon sa dakong pandemiya mahinungdanon baya gyud ang pagpaambit para at least sa dayon na natong kabugto nahimong mabulokon sa gihapon ang atong kinabuhi.

 Mabulukon tungod kay may nahimo kitang maayo. Mabulukon tungod kay mahimong kita mamatay aron ang uban mabuhi. Dili gyud kahulipan ang kamanggihatagon.

Gikinahanglan gyud kini pag-ayo. Buhat kini nga makapalig-on sa atong tinguha nga mamahimong mapuslanon bisan kun giisip kita sa uban nga bwiset ug walay hinungdan. Mas maayo nga molihok na lang diha sa kahilom kay pinaagi lamang niini mamahimo kitang mahinumdoman bisan daklit lamang.

Dunay nihangyo ug ako siyang gitabangan, nalipay ko ug nalipay pud siya apan subo palandungon kay ang uban mitandi niini sa favoritism nga sanglitanan. Bisan pa man diay sa paghimo og maayo dili diay tanan gihapon malipay.