EDITORYAL - Importanteng mabakunahan

EDITORYAL - Importanteng mabakunahan

Ian B. Melecio (Banat) - January 14, 2021 - 12:00am

Daw way laing padulngan ug kapilian ang publiko kabahin COVID-19 vaccine. Kung oras o torno nga bakunahan dili makabalibad ang mga Pilipino, gawas lang kung andam silang mogasto para sa kaugalingonng bakuna.

Sa mga kabus, sa sinugdanan lang ni sila moreklamo o  gustong mamili apan tungod sa kawad-on ug lisud sab makapabakuna ilabi na sa sitwasyon karon mapugos gyud sila pagdawat sa bakuna.

Ang gobiyerno migahin og P75 bilyones aron ipalit og bakuna sa 70 milyones ka mga Pilipino.

Ang populasyon sa Pilipinas moabot na og 110 milyones, apan ang mga 18 anyos paubos walay labot o dili prayoridad sa bakuna.

Sa pagkakaron, ang gobiyerno nakapirma na og kasabotan pagpalit og 20 milyones ka dosage nga Sinovac gikan sa China.

Sigurado gyud nga unahon sa bakunahan ang mga health workers ug frontliners, mga senior citizens ug kadtong vulnerable sectors ilabi na ang mga kabus.

Apan kay sila may prayoridad sa listahan ang Sinovac maoy ibakuna kanila. Ang Sinovac giingong 50 porsiyento rang epektibo kun itandi sa ubang brands. Apan alang sa mga opisyales, basta pasado sa standards sa World Health Organization (50 percent efficacy), mahimo na kini.

Ang Sinovac matud pa usa sa nahatagan og pagtugot ubos sa Emergency Use Authorization (EUA) sa Food and Drugs Administration.

Sa ato pa, kadtong gustong mamili og brands kinahanglang pang magpaabot nga malibkas ang EUA sa bakuna batok coronavirus nga maoy gipatuman sa tibuok kalibotan.

Karong semanaha, gikatakdang mopirma ang gobiyerno aron pagpalit og 20 milyones doses nga AstraZeneca vaccine.

Gawas pa niini, gikatakda nga mopalit ang Pilipina sa US og bakuna nga ginama sa Novavax ug Serum Institute sa India.

Karong panahona dili na tingali maayong magpaka-pilian. Ang importante, epektibo.

COVID-19 VACCINE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with