Kahasol sa pagpamakuna

ARANGKADA - Leo Lastimosa (Banat) - January 14, 2021 - 12:00am

Mga timaan nga wa magkasinabot ang mga tagduma sa lapad nga  pagpamakuna sa mga Pilipinhon batok sa COVID-19:

Ang mga bakuna nga gikontrata na nga komprahon sa Malakanyang--nga naglakip sa Covovax (o Novavax), Coronavax sa Sinovac, AstraZeneca ug Sputnik V sa Gamaleya--pulos wa pay Emergency Use Authorization sa Food and Drug Administration (FDA) sa Pilipinas; apan

Ang bakuna sa Pfizer/BioNTech nga mao ang labing una nga nahatagan og pagtugot sa ubang kanasuran ug gitakdang hatagan na og EUA sa FDA karong semanaha wa maapil sa listahan sa ilang palitunon.

* * *

Nagkasungi ang katin-awan nganong way nagtagad sa pagsud og kontrata sa Pfizer-BioNTech. Si Health Secretary Francisco Duque III gipasanginlan sa mga senador ug sa Department of Foreign Affairs (DFA) nga naglangay-langay paghikay sa mga panginahanglan sa transaksiyon.

Kasaligang mga tinubdan nibutyag nga nagdumili ang gobiyerno paghatag og pasiunang bayad, bisan nipasalig nang pribadong mga kompaniya nga maoy mo-abaga sa katunga, kay di kasaligan ang plataporma ini nga mRNA ug, dihang naaprobahan na, kay way seguro kon makahatod ba sa Pilipinas sa gikasabotan nga gidaghanon sud sa gitakda nga panahon.

* * *

Laing posible nga katin-awan sa pag-isnab sa Pfizer/BioNTech nga lisod angkunon sa Malakanyang:

Gipasidan-an sila ni Presidente Rodrigo Duterte batok sa mga bakuna sa kasadpang mga nasud kay bilib siya sa mga bakuna sa China ug Russia ug gihulagway niya nga binuang ang pag-deposito og bayad sa di pa ihatod ang mga bakuna; ug

Way klarong cold chain ang Pilipinas bisan sa pasalig ni vaccination czar Carlito Galvez nga andam nang bugnaw nga mga tipiganan.

* * *

Labing uwahi nga panagang sa Malakanyang sa kapakyas sa pagpamalit sa mga bakuna nga labing una nga naaprobahan: Mga Pilipinhon ra nga may colonial mentality ang ganahan nga magpatusok sa bakuna sa Pfizer/BioNTech ug Moderna.

Nga, nakatag-an ka, gisukwahi dayon sa ubang mga opisyal sa pamunoan: Niingon si Galvez nga ang bakuna sa Pfizer/BioNTech mahimo nga mao gihapon ang unang moabot dinhi sunod buwan pinaagi sa COVAX sa World Health Organization (WHO); ug si Philippine Ambassador to the US Jose Romualdez nipahibawo sa kauyonan pagkompra og 20 milyones ka doses sa bakuna sa Moderna.

* * *

leolastimosaa@gmail.com

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with