I-'cull' kay gi-COVID-19?

BALITAHOM - Atty. Jose Marie N. Poblete (Banat) - January 14, 2021 - 12:00am

Matud pa ni DA Undersecretary William Medrano, napapas na ang dangan nga “bird flu” ug nga wala na’y natala nga bag-ong kaso paglabay sa 10 ka bulan human kini mataho niadtong Marso 2020.  Ang protocol sa pagpugong sa pagkuyanap sa “avian influenza” mao ang pag-“cull” kon paglain ug pag-ihaw sa mga manok nga matakdan aron dili na makatakod sa uban.  Bangis apan epektibo nga pamaagi ang pag-“cull” aron mapapas ang “bird flu”.  Apan maayo na lang nga, bisan sa kagahi’g ulo sa uban, wala mosagop ang DOH sa maong paagi (pag-cull) aron mapapas usab ang COVID-19. Madahaan!

Dili pabayran ang kamingaw

Mihangyo ang mga Sinulog contingents sa kagamhanan sa dakbayan sa Sugbo nga hulipan sila sa ilang nagasto sa pagpreparar sa Sinulog 2021 tungod sa pagkanselar niini sa mga tigdumala.  Laraw usab hinoon sa mga opisyales sa dakbayan nga hatagan og subsidy ang mga hingtungdan’g contingent apan klarohon pa ang lagda sa COA bahin niini.  Hinaut nga makiangayon ang mga contingent sa ilang pagpa-refund.  Dili lang unta sila maparehas sa tag-iya sa naligsan nga manok-hingangkan diin hasta ang kamingaw kuno nga bation sa mga pisô, iyang pabayran.  Pagkatoytoy!

‘Rebansing’ sa survey

Matud pa sa World Health Organization Country Representative nga si Rabinda Abeyasinghe, angayan nga mopahigayon og lain survey aron masuta kon unsa gayod ka sibot nga magpabakuna batok sa COVID-19 ang mga Pilipino. Kini human masayran sa unang survey nga 32% ra ang ganahan magpabakuna.  Gipakasama ra man nila ang survey sa duwa nga basketball sa barangay nga kon mapilde pwede ra “mo-rebansing”. No retreat, no surrender si Rabinda!

Parehas may bakakon

Gisalikway sa Malacañang ang alegasyon nga gimonopoliya sa nasudnong kagamhanan ang pagpamalit sa bakuna batok COVID-19. Matud ni Sec. Harry Roque, wala did-i ang mga kagamhanang lokal pagpakigkumbuya sa mga suppliers apan kinahanglan ipaagi sa usa ka tripartite agreement tali sa local ug national government ug sa supplier.   Dako ang budget alang sa bakuna. Ning pag-apil sa Malacañang sa kalihokang lokal, makapahinuklog kanato ang giingon ni Presidente Nixon nga, “Tinuod nga adunay mga bakakon nga tawo sa lokal nga kagamhanang.  Apan may mga bakakon usab, labaw pa, sa nasudnong kagamhanan”.  Paleho la!

Qpass for sale

Pasaka-an sa kapolisan og kaso’ng “falsification of public document” ang usa ka water vendor nga si Ariel Pulot human kini masakpan nga nagbaligya’g mga peke nga quarantine passes.  Matud sa kapolisan, miangkon si Pulot nga iya ra’ng gipa-photocopy ang mga Qpass nga iyang gipamaligya.  Walay swerte ang maong vendor. Inay molambo kay aduna na’y laing linya sa negosyo, nahulog hinoon sa kalabuso. Daw ga-lana’g putot. Balik lang ‘ta paninda’g tubig Nyor. Saoonz!

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with