Usbon ang Batakang Balaud?

AMBOT LANG - Gerry Auxilio (Banat) - January 12, 2021 - 12:00am

Gitug-an  ni Senate President Vicente Sotto III nga gusto ni Presidente Rodrigo Duterte nga usbon ang sistema sa party-list sa aron mapanalipdan kini batok sa mga grupo nga gusto nga lumpagon ang gobiyerno.

Tungod niini giawhag sa presidente ang liderato sa Kongreso sa pag-usab sa Batakang Balaud aron mausab ang sistema sa party-list nga iyang giingon nga giabuso sa mga grupo nga nalambigit sa mga rebelled.

Gitug-an ni Sotto nga bisan dili siya direkta nga gihangyo sa presidente sa pag-usab sa Batakang Balauda Apan gusto gayod sa presidente nga usbon ang sistema sa party-list aron mapanalipdan kini sa grupo nga gustong lumpagon ang gobiyerno.

Matud pa ni Sotto nga gitumbok gayod sa presidente ang mga gikonsiderar nga grupo sa mga walhon sa ubos Balay Balauranan nga gitawag og Makabayan Bloc.  Dugay na nga gituohan sa presidente ang grupo sa Makabayan Bloc nga mga plantada lamang sa Communist Party of the Philippines (CPP) ug sa New People’s Army (NPA) ug sa ilang politikanhong kamot nga mao ang National Democratic Front o NDF. Gusto sa presidente nga masulbad ang suliran sa komunismo ug NPA ug ang pinakamaayo nga paagi mao ang pagwagtang sa sistema sa party-list. Matud pa ni Sotto nga init gayod kaayo ang presidente sa komunista maong ipawagtang niya ang party-list.

Ang awhag sa presidente iyang gipaabot atol sa ilang tigum niadtong Disyembre kauban ang liderato sa Kongreso ug tag-as nga opisyal sa Armadong Kusog sa nasud. Dili lang ang Makabayan Bloc ang naglangkob sa Ubos Balay Balauranan. Gani og wala ko masayop, mas daghan pa ang mga sakop sa party-list nga dili mga walhon.

Kun gusto man sa presidente nga wagtangon ang mga rebelde tungod sa iyang kalagot niini, di, mao lang ni ang wagtangon. Dili angayan nga idamay sa presidente ang uban.  

RODRIGO DUTERTE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with