^

Miresulta na gyud

RENBOR PATROL - Rene U. Borromeo (Banat) - January 12, 2021 - 12:00am

Bisan og giunsa pagpahimangno sa kadagkoan sa atong kagamhanan, daghan gyud sa katawhan ang mga gahi kaayo pasabton.

Giingnan nga kon magdasok, bisan pa og pagsul-ob ta og facemask, matakboyan gihapon kita sa gikalisangan nga Coronavirus Disease.

Gihangyo nga anha na lang sa balay maminaw sa mga misa atol sa Pasko, ingon man sa novena pahinungod sa kapistahan ni Senor Santo Niño, apan wa mopatuo.

Sa akong programa sa radyo, gibalikbalik nako pagpasabot nga human sa Pasko ug Bag-ong Tuig, mosaka gyud ang gidaghanon sa bag-ong matakdan og Coronavirus Disease.

Aw, wa gyud ko masayop kay kada adlaw, nag-anam kadaghan ang mga tawo nga natakboyan sa makamatay’ng sakit.

Sa nagsingabot pa ang Pasko, miabot na lang unta og 84 ang mga “active cases” kun mga tawo nga natakboyan sa COVID-19 ug anaa sa mga tambalanan.

Apan karon, misaka na balik sa 331, ug makita sa statistics sa Department of Health nga kada adlaw, nag-usbaw ang gidaghanon sa bag-ong natakboyan og COVID-19.

Kaniadtong Biyernes 43, unya pagka Sabado, 54. Pagsuwat nako niini, wa pa’y statistics kagahapon, Lunes, ug sigurado ko nga mitaas na sab.

Pwede ra baya gyud nga sa balay na lang kita mag-ampo, ug dili na kinahanglang moadto sa simbahan. Matud pa sa kaparian nga “God is everywhere.”

Tingali, ganahan gyud kining uban nga mabalik na usab nga ang Sugbo ug ang ubang mga dapit sa nasud, madeklarar sa usa ka estrikto nga quarantine.

Kon mahitabo man gani kini, aw daghan na usab ang masakripisyo kay hinumdomi nga hurot-hurot na ang kwarta sa kagamhanan paggasto sa pagtabang sa mga tawo tungod sa COVID-19.

Pananglit madeklarar pagbalik ang Sugbo sa usa ka estrikto nga matang sa quarantine, sirad-an na usab ang mga trabahoan, unya kontrolahon na ang paggawas sa kabalayan.

Timan-i ninyo nga dinhi sa Dakbayan sa Sugbo, 693 na ka tawo ang giingong namatay tungod sa Covid, ug kapin sa 11,000 ang natakboyan sa sakit.

* * *

Pwerteng yawyaw sa mga tag-iya og sakyanan nga na-clamp sa mga traffic enforcers kay giparking kini sa dapit nga dili paparkingan.

Siyaro sab uy, kada Sinulog man gyud na nga balik-balik ra ang isyu. Nganong magdala man gyud mo og sakyanan unya i-parking sa gibutangan og puthaw nga kural?

Ako gani nga anaa ra ang nawong namo sa Cebu City Hall, wa na man magdala sa akong sakyanan kay nasayod ko nga lisud kaayo ang parking.

Dunay mga dapit nga wa na butangi og No Parking sign, kay gibutangan man og puthaw nga railing, nga nagpasabot nga dili kini paparkingan.

FACEMASK
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with