^

Mga leksiyon sa pandemic

IYO ANTOY - Antolin dela Serna (Banat) - January 12, 2021 - 12:00am

Gawas nga ang pandemic nakahimog kausaban sa atong mga lifestyle, sa  atong panglihoklihok, sa atong mga panglantaw sa unahan, ug sa atong kinabuhi mismo, nakakutlo usab kita’g mga pagtulon-an ug mga leksiyon gikan niini.

Una sa tanan,nakapa-humble kini kanato. Nakapawala sa atong pagka-hambugero. In the first place, kinsa man usab ang atong pahambugan nga patas na man kitang tanan?

Gawas nga naglumlom na lang kita sa atong mga panimalay, sama kanamong mga senior citizen ug mga minor,  ang uban nawad-an sa trabaho, ang mga negosyo nahugno, ug kasasgaran na-lockdown. Busa, unsa may atong ipanghambug? Indeed, nakapa-humble gayud kanato ang pandemic. Of course dili kita magpasalamat nga nahitabo kini kanato. Apan, tingali baya kon mao kini nga tuyo sa Ginoo … nga mapugos kita pag-pause for a while, aron mamalandong, aron maghinuklog, makapahinulsol (kon gikinahanglan man) ug aron mosangpit Kaniya.

Most probably dugay-dugay na nga wala na kita makasangpit sa Ginoo, uban sa pagtuo nga mabuhi ra kita bisa’g walay Ginoo.

Karon, gumikan sa pandemic nakahunahuna na kita sa kahimtang sa uban. Na-concerned na kita unsay maayo ug unsay makaayo sa uban … on what is good for all. Matud ni Pia Roces Morato sa Philippine Star: “ We are learning to give more and to share.”

Nindot kon magpadayon after the pandemic. Imagine, all of a sudden nagpakabana na kita sa kahimtang sa uban, ug ato nang gipaambit ngadto kanila kon unsa ang ania kanato. Sharing. Nakakat-on usab kita sa pagdaginot … sa dili pagwari-wari kon unsay ania kanato. Sa usa ka pagsusi nga gihimo nga kita konong mga Pinoy “are not prone to savings,” maoy hinungdan nga-abot sa panahon, inig-abut sa tinghuwaw, wala na kitay mahikap.

Alang sa pipila kanato, kining nahitabo kanato karon has made them even stronger. Nakapalig-on kini kanila, nga tungod kay wala sila kawad-i’g paglaum, mo-survive ra kitang tanan. Nganong dili man?

Basta magtinabangay lang kita. Maghiusa og mo-impose og self-discipline sa matag-usa kanato. “Life is a mix of roses and thorns and from the pain and the ugly, we grow beauty,” matud ni Pia Morato.

So, niining atong gihambin karon nga mga kasakitan, mogitib na ang katahom ug kahayag. Akong usbon, let’s not lose hope. Sa pangutana kon makalingkawas ba gayud kita gikan niining kagaw nga dugaydugay nang naghasol ug nagsakit kanato, ikaw ray makatubag niini, kay ang atong kaluwasan gikan niining makalilisang nga sakit, mag-agad kanimo.

* * *

By the way, taliwala niining atong kahimtang karon medyo nagsugod na’g bukal ang kaldera sa politika. Aduna nay nigawas nga survey nga naglista sa mga probable candidates pagka-presdente ug pagka-senador. Bida sad uy!

Ug lagmit, nagsugod na usab tingali paglihok ang maong mga probable candidates. Sa hilom lang kay tingali unya og ma-charged of electioneering o early campaigning.

Unya, adunay nagpalusot sa ilang mga hunahuna pagpadayon sa Cha-cha kon paghimo’g kausaban sa atong Konstitusyon. Kining tanan, maka-divide man gud kini kanato, ug maka-distract na sa mga gimbuhaton sa atong mga suloguon (unta) sa lungsod.

Niining atong giatubang nga mga suliran ug katalagman, di ba mahimo nga ato lang unang ipadaplin (temporarily) ang politika? 

LIFESTYLE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with