Balud sa kinabuhi

Seasoned Fisherman ang mga tinun-an sa atong Ginoo mao nga dili gyud sila angay nga mabalaka kun maghisgot kita og unos kay anad naman sila niana. Apan dunay unos nga pwerteng kuyawa nga tungod niini giabot gyud sila og kalisang.

Kalisang nga nagdala og tumang kalisdanan nga tungod niini malisod alang kanila bisan gani ang paggaod sa ilang sakayan.

Nakita nila si Jesus nga naglakaw sa tubig. Initially, gibati sila og tumang kalisang apan ang maong kalisang nahulipan og kalinaw labina nga nilurang ang unos sa dihang ang atong Ginoo nakig-uban na kanila mismo sa sakayan. Ning panahon nato karon sa pandemiya, padayong gitay-og ang atong pagtuo ingon man ang atong simbahan ingon nga usa ka institusyon.

Usa sa mga isyu nga nia karon dinhi mao man ang isyu kalabot sa coronavirus  vaccine nga ginama gikan sa aborted fetuses.

Kining maong kalamboan mamahimong dakong isyu sa moralidad. Sayud kita nga isip simbahan kita matawag nga pro-life.

Apan ang Vatican nihatag naman sa iyang green light kalabot sa maong isyu sa kapasikaran nga alang kini sa kaayohan sa kinabag-an. Apan dako kin inga lalisonon tugnod ning mosunod nga mga rason:

1. Unsaon pagkaseguro nga ang mga aborted fetuses resultado sa indirect abortion?

2. Kun mahurot ang supply sa aborted fetuses asa man mangita og supply alang sa demand nga gikinahanglan alang sa bakuna?

3. Possible ba nga mahimo kining rason aron mamahimong daw ordinaryo nga procedure ang abortion?

4.  Unsaon na lang ang pagtulon-an nga naghisgot nga kun ang kinabuhi moturok na ug mopitik dili na gyud kini angay hilabtan hinunoa angayan lamang nga atong panalipdan.

Lisud ning kahimtanga karon usa kini mahimo diay nga i-justify ang means bisan pa man kun morally questionable kini kaysa pagbarog sa panultihon nga the end does not justify the means.

Balud kini sa kinabuhi ug balud sa atong naandang pagtulon-an. Kun hangtud ug asa kutob kining maong kalibog bugtong ang langit lamang ang nasayud.

Basta ako personal mente nga mogunit sa akong namat-an og buot nga kun kinabuhi na gani ang hisgotan dili gyud ni angay pasipad-an.