Gusto-hangyo ni Mike mikontra

JAV BANATI - Javier Yntig Tapulado (Banat) - January 11, 2021 - 12:00am

Labihang paningkamot sa mga kadagkoan sa gobiyerno nga mapugngan ang kusog pagtinakdanay sa COVID-19 ilabi na ning higayon nga giatubang sa tibuok kalibotan ang second wave – a new variant of SARS-CoV-2, or coronavirus strain. Diin, 70% ang kapaspas motakod.

Tanang epektibong health protocols gipatuman. Lakip ang social gatherings, gipahugtan.

Daan nang mipahibalo ang Inter-Agency Task Force (IATF) nila ni Mayor Edgardo C. Labella ug mga kaubanan nga ihiklin una ang mga naandang kalihokan sa Sinulog 2021.

Kay kini maoy ampay sa mananakod nga virus.

Ang kaparian sa Basilica Minore Basilica del Santo Niño, kinsa misabot nga ang tumong sa IATF para sa kaayohan sa tanan, nakahukom pagkanselar sa lima ka dagkong relihiyosong kalihokan alang sa Fiesta Senior niining tuiga: Penitential Walk with Jesus, Penitential Walk with Mary, Traslacion (Cebu City, Mandaue, City ug Lapulapu City), Fluvial Procession and Reenactment ug Solemn Foot Procession.

Usab, relihiyosong ipasunod sa Basilica ang physical distancing ug tanang health protocols sa mga manimbahay subay sa unsay kamandoan o sugyot gikan sa IATF.

Sanglit, ang pagbuhat sa ingon sama rang ilang gituman ang mga pulong ni Senior Santo Niño, kinsa mao poy migiya sa hunahuna sa IATF unsay angay iimplementar aron kapanalipdan ang katawhan batok ning dili makitang kaaway.

Apan si Bise Mayor Michael ‘Mike’ Rama, pangulo sa Sinulog Foundation Incorporated and steering committee, gusto gyong mapadayon ang pagpasundayag sa Sinulog 2021 ritual showdown bisag sa virtual lang nga paagi.

Mihangyo, nga irekord lang kuno daan ang matag pasundayag sa tanang grupo nga nangapil didto sa kaugalingon nilang lugar. Unya pag-abot sa Enero 17, i-online streaming na lamang kini.

Busa, malikayan ang linawas panagtapok ining adlawa. 

Pero, tayimsa! Pag-ensayo sa mga entrante, nalikayan bang social gatherings?” Pila kaha ka adlaw ang nagahin sa ilang panagtapoktapok-praktis? Dili ba nakasupak gihapon kini, Sir Mike?

Mas maayo nga dili na lang kini ipadayon. Insakto na kaayo ang mga solemneng misa-nobena alang sa kapistahan ni Senior Santo Niño.

Kinasingkasing nga pagpangilaba-ampo ang gikinahanglan nato niining panahona.

Ug dili kalingawan sama sa Sinulog nga sa video ra tuod ipasundayag, pero miagi gihapog panagtapok sa daghang partisipante.

Gani, may usa na kanilang naigo sa COVID-19.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with