^

Ignorante sa balaod

RENBOR PATROL - Rene U. Borromeo (Banat) - January 9, 2021 - 12:00am

Nalangay ko pagsuwat sa akong lindog kay nalingaw ko’g basa sa comments sa mga netizens sa post sa social media kabahin sa aksidente sa sakyanan.

Dunay tag-iya og motor nga nakasugat og aksidente batok sa usa ka Grandia Van. Nagkalainlain ang komentaryo sa mga netizens, dunay husto ug duna sa’y sayop.

Para kanako, kon dili ka gani sigurado sa imong gisulti, dili na lang gyud usa nimo isuwat kay diha sa social media, daghan ang makabasa og magtoo nga husto ang imong gisulti.

Nakaingon hinuon ko nga husto ra gyud diay tingali ang kagamhanan nga nangusog karon kadtong mokuha og lisensiya, kinahanglang ipaagi gyud og actual driving training ug seminar sa balaod sa pagmaneho’g sakyanan.

* * *

Ang driver sa motor miingon nga gidam-agan siya sa van. Makita sa hulagway nga ang van nagbabag sa karsada kay gikan sa inner lane, moliko unta siya paingon sa eskina, ug nadumbolan niya ang motor, ug naukab ang bumper sa van.

Ang driver sa motor mireklamo kay gikuha kuno ang iyang lisensya sa polis nga wa siya isyuhi og Temporary Operators Permit (TOP). Daghan ang miingon nga ilegal ang gihimo sa polis.

Una, ang traffic investigator mokuha sa lisensiya sa duha ka driver nga involve sa aksidente, dayon mohimo siya og sketch basi sa aktwal nga porma sa mga sakyanan. Sukdon niya gikan sa daplin ug gikan sa tunga karsada.

Ang traffic investigator dili pa moisyu og TOP kay wa pa man mahibaw-i kinsa sa duha ka driver ang sad-an. Paadtoon pa sila sa opisina sa traffic aron didto imbestigahon.

Sa ato pa, dili ilegal nga kuhaon ang lisensya bisan og way TOP, basta malambigit ka og aksidente, apan kon parahon ka ra diha sa karsada, kinahanglan na ang TOP. Nasabtan ba?

* * *

Bahin sa van nga moliko unya didto siya sa inner lane, maisip na kini nga obstruction ug dakponon na siya niini.

Kinahanglan nga ikaw driver, layo ka pa gani, adto ka na magpahimutang sa daplin kon moliko ka, apan ang gihimo sa maong driver sa van, gikan sa tunga, moderitso siya’g liko paingon sa daplin ug diha naigo niya ang motor nga nagsubay ra sa iyang lane.

Dili malalis nga ang driver sa van nakahimo og sayop sa iyang pagmaneho, apan ang driver usab sa motor, makalikay unta sa aksidente kon mipahinay lang siya ug mihatag na lang og higayon sa van.

Isip tulo ka tuig kapin ko nga nahimong deputized agent sa LTO, nakakat-on ko og mga pamaagi sa tukmang pagmaneho, gawas pa nga nagbasa ko sa mga lagda nga gilatid sa Transportation and Traffic Code.

ACCIDENT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with