^

Leksyon sa kababayen-an

RENBOR PATROL - Rene U. Borromeo (Banat) - January 7, 2021 - 12:00am

Angay’ng kuhaan og pagtulon-an sa kababayen-an ang nahitabo sa usa ka stewardess nga napalgan na lang patay sulod sa kwarto sa hotel didto sa kaulohan.

Daghang lalaki nga iyang kauban sa kwarto ang gikatahapang nalambigit niini, ug dili na lang nato i-detalyi pag-ayo kon unsay nahitabo sa wa pa mamatay ang babaye.

Kamo na la’y maghunahuna, basta ang akong ikasulti, nga kamong mga babaye, angay gyud nga magmatngon. Kon moinom mo, abtika ang inyong mga mata kon unsay gihimo sa inyong mga kauban.

Unya, pananglit dili na madala sa lawas, hunong na pag-inom ug ayaw paggara-gara. Ang babaye ug lalaki dako og kalainan. Dili na lang nato klarohon pa kay nasayod na man mo niini.

Akong usbon, ayaw pagtugot nga ang nahitabo sa stewardess, mahitabo usab kaninyo. Dili kay sa mga dalaga ra kini nga pahimangno, kondili, apil usab kaninyong mga babayeng minyo.

* * *

Husto baya sab ang tambag nga dili na lang gyud magpahigayon og Sinulog dance diha sa South Road Properties (SRP).

Dili mamatay ang katawhan kon dili makakita og sayaw nga Sinulog karong tuiga, apan mamatay sila kon matakdan og coronavirus.

Duna hinuo’y tambag nga ang mga dancer nga paapilon pagsayaw, pakuhaan usa sila og swab test, apan ang swab test, dili makuha dayon.

Magpasabot ba nga gikan sa pagpakuha nila’g swab test sa mga Sinulog dancers, dili na sila pasuroyon pa?

Kay kon human sila makuhai og swab test, unya negative ang ilang results, apan pagkahuman nila og swab test diha pa sila matakdi?

Unya, pananglit pagpagawas sa swab test results negative sila, makaapil sila pagsayaw, nga wa mahibaw-i nga natakdan na diay sila og virus diha nga gikan silang nagpa-swab test?

Kon dili na lang magpahigayon og virtual Sinulog dance, makadaginot pa ang kagamhanan sa siyudad og P25 milyones nga magamit pa sa laing proyekto.

* * *

Ingon niini na lang ang inyong himoon. Dili man gihapon mo makasulod sa Basilica del Santo Niño kay puno-puno man sa mga tawo.

Diha na lang mo tan-aw sa social media, sa inyong mga cellphones, sa mga misa nga ipahigayon sulod sa Basilica.

Kay mogasto man gihapon mo kon mo-adto sa Basilica, unya hasol pa gyud kaayo, ang inyong igasto ipalit na lang og “load” ug tan-aw na lang mo sa misa diha sa social media.

Dili ba maayo?

* * *

Sa katapusan, Happy birthday sa akong eldest daughter nga si Architect Princess Rene Pearl Moreno Borromeo, birthday niya karong adlawa.

STEWARDESS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with