^

Duhay suwab ang "Anti-Epal Law"

BALITAHOM - Atty. Jose Marie N. Poblete (Banat) - January 7, 2021 - 12:00am

Matud ni Senador Grace Poe, dili na tugotan ang mga politiko nga mo-imprinta sa ilang mga hitsura, pangalan ug mga logo sa mga proyekto nga punduhan sa 2021 national budget. Gumikan kini sa usa ka special nga “anti-epal” provision nga giluklok sa 2021 General Appropriations Act.  Makadaut ug makaayo ang maong “anti-epal” nga probisyon sa hingtungdang politiko: Makadaut kay dili na siya makapangangkon sa proyekto ngadto sa katawhan.  Makaayo usab kay dili na dali mahibaw-an sa katawhan kon kinsang politiko ang nakakurakot sa proyekto. Ilad gihapon si Juan. Paleho la diay!

Mata-mata ra ang basehan

Laraw sa nasud nga Indonesia nga hatagan og prayoridad pagbakuna ang mga anaa sa pangedaron nga 18 ngadto sa 59 anyos.  Tungod kini sa teoriya nga ang mga batan-on aktibo pa ug nga magpunay pa’g biyahe nga gituohan nga makapadasig sa ekonomiya. Labot pa, walay clinical trials nga gipahigayon alang sa mga tigulang. Adunay ekonomikanhon ug siyentipikong basehanan ang Indonesia sa paggahin nila sa bakuna.  Sa Pilipinas, senior citizen ang unahon pagbakuna kay gibase lang ang paggahin sa mata-mata ug pamolitika. Fezteleern!

Sulbad na ang krimen?

Human miani og daghang pagsaway ang PNP sa pagdeklarar nila nga “sulbad” na ang “Dacera Case”, mipasabot gilayon ang PNP sa basehan sa deklarasyon. Alang sa PNP, sulbad na ang kaso kon ang mamumunô: 1. Nailhan na; 2. Nadakpan na; 3. Adunay igo’ng ebidensiya batok kaniya; ug 4. Napasakaan na’g kaso. Ang maong upat ka elemento anaa na kuno sa Dacera Case bisan tulo pa sa siyam ka suspetsado ang ilang nadakpan.  Nakalimot ang PNP nga “inosente pa ang akusado hangtud mamatud-an nga sad-an”. Dako’g kalainan ang pagka-hambugero sa pagka-masaligon. Iprobar una sa korte Tsip!

COVID-19 batok Sinulog

Mirekomendar ang PRO 7 ngadto sa Regional IATF pag-kanselar sa Sinulog 2021 tungod kay aduna pa gihapo’y kaso sa COVID-19 dinhi sa Cebu City ug tungod kay ang mga novena masses lamang ang ilang napangandaman sa seguridad.  Apan alang kang Vice Mayor Rama, segurado siya nga madayon ang Sinulog ug mokonsulta usab siya sa RIATF alang sa mga giya pagpahigayon sa kalihokan.  Dili relihiyosong kahugpungan ang RIATF. Niining managsumpaki nga baruganan, dayag nga adunay mabalibaran. Si Caesar ba kaha o ang Ginoo maoy ilang dapigan? Abangan!

Mass baptism human sa COVID-19

Nabalaka ang Commission on Population (PopCom) nga adunay mahitabo nga “baby boom” human sa pandemic ug wala na’y i-imponer nga community quarantines. Gibanabana usab nga adunay 250,000 ka mga bata nga nahimugso sa panahon sa kwarantinas.  Dili kahibudngan ang panglantaw sa PopCom. Kay lagi ang magtiayon nga way lingaw, danay man gyud nga magkalingaw. Human sa COVID, sunod nga phenomenon: BUNYAG na pud.  Hala no!

GRACE POE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with