^

Ug ang pulong nahimong tawo

MGA LAMAS SA KINABUHI - Fr. Rey Cui (Banat) - January 4, 2021 - 12:00am

Kini mao ang lintunganay sa atong pagsaulog sa Pasko sa Pagkatawo sa atong Ginoo.

Dunay duruha ka mga matang sa Christology ang gikuhaan og sukaranan sa atong Simbahan agig pagpasabot ning maong pasko.

Ang Downward Christology nga dunay dakong kalambigitan sa pagkatawo mismo sa atong Ginoo sulod mismo sa atong tawhanong kasaysayan nga gisaysay sa mga synoptics.

Ang Christology from Above nga ni present sa Mesiyas nga ni exist sa wala pa ang tawhanong kasaysayan.

Daghan ang mga kausaban ning Pasko sa Pagkatawo sa atong Ginoo sulod ning pandemiya karon.

Gani ang mga bata kang kansang kalipay mao man ang Pasko kay lagi tukmang panahon man sa pagduaw sa ilang mga ninong ug ninang ug gani panahon nga sila makasuroy sa mga simbahanan.

Apan ning panahona halos tanan nato gipatago man. Bisan pa man kun dunay mga tawo nga makagawas gawas apan ning panahona lahi na gyud kaayo.

Limitado ang lihok ug mga kalihukan ang tanan kinahanglang magmatngon.

Kay kun wala ang maong pagmatngon, lisud na kaayo nga mas mokuyanap pa og samot ang coronavirus segun sa mga expert nga ni-project og laing hugna sa virus nga mas grabe ug mas lisud pa kaysa unang hugna. Nga sa ato pa dunay laing lockdown.

Sa akong panaw padulong sa akong lawak nakita ko ang akong kaugalingon nga naputos sa tumang kamingaw dili tungod kay nangindahay ko og mga tawo nga akong ikauban ning panahon sa Pasko kondili tungod kay daw sa napaglantawan ko ang dakong kausaban nga mahitabo sa kinabuhi sa matag tawo ug sa katilingban ning panahon sa pandemiya.

Matag usa naningkamot nga maglikay aron sa virus dili mahugpaan.

Daw sa hinayhinay nahimo kitang alien sa atong isig kaingon.  Ang pagpalayo giisip man nga mahinungdanon ug ang pagpaduol ingon man ang paghikap usa man ka makuyaw nga lakang nga magdala og kaalaut sa kadaghanan gumikan ni Corona.

Apan bisan pa ning maong kahimtang nato karon, mahinungdanon gihapon ang paghupot og pailub, paglaum ug paghigugma. Pasko karon busa angayan nga maglipay kita kay mas labing pordoy ang tawo nga walay igong kalipay sa kaugalingon ug sa usag usa dili ba?  Ang pulong wala lang nahimong tawo, nipuyo pa gyud siya uban kanato. Mao nga Maayong Pasko.

CHRISTMAS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with