^

Happy New Year!

MGA LAMAS SA KINABUHI - Fr. Rey Cui (Banat) - January 1, 2021 - 12:00am

Laing tuig na pud ang natapos ang tuig 2020 ug laing tuig na pud ang gipahimugso nga mao ang tuig 2021.

 Dili lalim ang nilabay nga tuig. Puno kini sa mga katalagman, pandemiya, kagubot ug kalisdanan. Lisud kaayo ang palibot ug ang mga kalihokan nahimong limitado.

Ang pondo gihinayhinay og hurot. Kay lagi alang sa kadaghanan mahinungdanon man kaayo ang kaluwasan mao nga gibilanggo ang matag usa sa ilang kaugalingong pinuy-anan.

Kini ang hinungdan kun nganong daghang mga tawo ang nahimong boryong sa maong mga higayon.

Unsa man ang atong buhaton ning taliabot nga tuig?

1.    Una ang pagbalik lantaw sa mga butang gipanghimo nato sa nilabay nga tuig. Atong talikdan ang bisan unsang makadaut kanato ug atong hangpon ang bisan unsang makaayo.

2.    Ikaduha, paduol sa mga tawo nga nakapalambo ug nakadasig nimo. Palayo sa mga tawo nga nagdala og tigaw sa imong kinabuhi bisan pa kun sila imong kadugo.

3.    Ikatulo, padayon sa paghunahuna og mga lakang nga makapalambo nimo as long nga wala kay tawong gilupigan.

4.    Ikaupat, pagkahimong consistent sa imong baroganan aron sa ingon masayod ang tanan kun unsa ang imong brand ug masayod sila kun asa sila molugar ingon man ikaw kun asa ka molugar.

5.    Ikalima, ayaw patugaw sa imong mga plano kay daghang mga tawo kang kansang papel sa imong kinabuhi, mao ra gyud ang pagsamok. Ang  mga samokan dili angay paminawon.

6.    Ikaunom, dinhi sa kalibutan anaa gyud nang panagbingkil ang mahinungdanon ang kaayohan sa kinabag-an ug dili sa tanang higayong tinuod ang panultihon nga two heads are better than one. Kay usahay ang daghang panahom maoy makalangay.

7.    Ikapito, sud-onga ang matag takna ingon nga kahigayonan sa paglambo. Kini gyud unta ang angayan natong himoon ning unang adlaw sa Enero sa Tuig nga gimbut-an sa Kahitas-an 2021!

Sa pagtak-op sa laing hugna sa panaw ug panlimbasog, nakaamgo ako nga nahimong daw alaut ang kaugalingon kun kanunay lang kita nga magsalig.

Ang tanan nga atong pagahimoon kinahanglan atong panlimbasog aron sa ingon inig abot sa tukmang panahon walay mga tudlo nga kanato motulisok.

Happy New Year!

NEW YEAR
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with