^

Si Feb Uytico

MGA LAMAS SA KINABUHI - Fr. Rey Cui (Banat) - December 30, 2020 - 12:00am

Subo palandungon nga ning bag-ohay lang nipanaw si Nang Fe Uytico nga taga Sibonga, Cebu.

Sa wala lang damhang hitabo nitaliwan siya. Nagbangotan gyud ang tibuok Uytico Clan.

Sa akong personal  nga kasinatian, maabi abihon kaayo siya ug gani, manggihunahunaon kaayo.

Ang mga pangutana sama sa: “Nikaon ka na ba, Padre? Nihapit ka ilang Chang?” Nangumosta baya to si Bong nimo?” Kumusta ang iro? (kini tungod kay nihatag man gud siya kanako og itoy kaniadto). Yano, mapahiyumon.

Kini ang akong pag-ila ni Nang Fe Uytico. Gani kausa ni-chat pa siya nako dala ang pangumosta ug pagtimbaya.

Ang tanan nahimo naman lang usa ka bahin sa handumanan apan handumanan nga molungtad sa kahangturan.

Pagaksayud ko gayud sa hitabo niadtong ni post si Bong kalabot ni Nang Fe, ako gyud dayon siyang giapil sa akong mga pag-ampo. Pag-ampo nga kun mahimo mabatonan niya ang kaayohan.

Wala kini magpasabot nga nipanaw siya sa laing kalibotan wala dungga sa Dios ang mga pag-ampo sa mga tawo nga nagpangga kang Nang Fe.

Dili man gud kita ang tag-iya sa atong kinabuhi mao nga wala kitay gahom sa pagpugong niini kun kini kuhaon na gikan kanato.

Mas labaw nga nasayod ang Dios kun unsay makaayo alang kanato. Dugang pa ang kamatayon moabot ra gyud sa paagi nga wala nato damha. Kitang tanan, kandidato o kandidata gyud niini.

Subo lang palandungon nga nahitabo kini panahon sa Pasko sa atong Ginoo ug taliwala ning maong dako ug kalibotanong krisis sa pandemiya nakuhaan ang mga Uytico og sakop sa pamilya nga maisip natong mahinungdanong bahin alang kanila.

Ang bugtong paagi aron maka-move on mao ang pagdawat nga nahitabo kini. Ang assurance alang sa pamilyang Uytico mao nga dunay laing tigpangama alang kanila ngadto sa Labaw nga Makagagahum!.

Subo kini nga kamatuoran apan sa laing bahin angayan gihapong pasalamatan sanglit dunay Fe Uytico nga nakahikap sa kinabuhi sa kadaghanan pinaagi sa iyang yanong kinabuhi sa pagpangalagad mismo sa iyang banay nga mahinungdanon gyud kaayo alang kaniya.

Mubo ra gyud kaayo ang kinabuhi dili pa gyud hingpit. Apan taliwala sa ka mubo ug ka limitado niini, padayon kining nag-agni kanato sa pagpuyo niini diha sa kamakahuloganon.

Magka-edad na gani ang tawo, mas mohamtong pa gyud ang iyang panlantaw ingon man panginahanglan. Kun kaniadto nahimong isyu ang bahandi, gahum, kasikat, ang tanan mobalik gyud sa sukaranang panlantaw sa kinabuhi, ingon nga kinabuhi sa kalambigitan.

Dili man tuod nato mahakgom ang tanan, apan ang ginagmay nga panlimbasog alang sa kalainan dako naman kaayo og ikatabang sa pag-usab sa nagay-ot nga kalibutan.

Kanimo Nang Fe, Salamat kaayo sa imong kaayo. Bisan pa man kun panagsa lang kitang magkakita apan padayon kang apil sa akong mga pag-ampo.

Kun mahimo iampo pud ko ngadto sa atong Ginoo. Ayaw kabalaka sa itoy kay kadto mismo gipangga usab sama sa imong pagpangga kaniya.

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with