^

Duha ka dagway sa ginikanan

JAV BANATI - Javier Yntig Tapulado (Banat) - December 28, 2020 - 12:00am

Liwas na sa Pasko. Apan nagpabiling lab-as sa panumdoman kadtong double murder case nga nahitabo didto sa Panique, Tarlac.

Inahan ug anak-lalaki, daw mga inosenteng hayop, gisayonsayon ra’g pusil-patay sa giyawaang polis atubangan sa iyang menor de edad nga anak-babaye, kinsa isog mihapak sa bukobuko sa edaran nang Nanay.

Lalis ra baya kuno bahin sa right of way ang sinugdanan.

Ang nakadeperensiya, kay sa ilang panagsukliay’g hait mga pulong, ang mag-inahan, baba ray gisaligan samtang ang polis nagbitbit og armas.

Hinungdan, nga dihang gidangilagan sa anak-babaye sa polis ang nagakainit nilang argumento pinaagi sa pag-ingon: ‘May father is a policeman,’ unya gibaslag tubag sa edarang inahan nga: ‘I don’t care, eh, eh, eh!”

Morag gibuboag gasolina ang polis. Misilaob! Ug milanog ang mga bala sa kamatayon.

Bag-o lang gisaulog nato ang Pasko, ang pagkatawo sa Batang Hesus nga gianak ni Birhen Maria. Mapinanggaong inahan si Mama Mary.

Dili lang kutob ni Hesus. Kondili, nato tanang katawhan.

Gani, dihang gipusil si Pope John II ni Mehmet Ali Agca didto sa St. Peter’s Square, Vatican City niadtong Mayo 13, 1981 ug maayong pagkaigo, nakuhaan kinig retrato nga siya gigakos-sapnay ni Mama Mary, timaan sa iyang dakong gugmag pagmahal.

Sama niadtong inahan, kinsa migakos sa iyang anak aron unta protektahan batok sa polis. Apan wala makaila ang polis og gugma sa usa ka inahan.

Morag walay biling hayop ang iyang pagtan-aw kanila. Hinungdang, gisayonsayon ra niyag luthang-patay ang mag-inahan.

Ug bisag nangalup-og na sa yuta, giusban pa pagpusil atubangan sa iyang malditang anak, kinsa kalma rang mikuhag video sa maong dugoong hitabo.

Dinhi makita ang duruha ka dagway sa kinaiya sa mga ginikanan nga maoy gipasunod ngadto sa ilang mga anak.

Ang usa nagpakita unsa kamahal ang kinabuhi sa iyang isig ka tawo.

Samtang ang laing usa, nagtudlo unsaon pagpatay ang linalang nga nagmahal sa kinabuhi.

Milyonmilyong nasakitan ang nasuko sa gibuhat sa polis.

Gani, gusto man silang bitayon kini. Pero may mga polis mipakitag paglaban-depensa sa kriminal.

Nagpasabot ba kini nga diha sa atong kapolisan, aduna pay nasagol nga susamag bulok niining polisa? Unta, malain-labay dayon sila sa basurahan aron dili matakdan ang uban.

CHRISTMAS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with