_banat
^

Banat Opinyon

Ning adlaw sa Pasko: My father is a policeman!

ANG MGA LAMAS SA KINABUHI - Fr. Rey Cui - Banat

Dili pa lang dugay, natay-og ang kahaponon sa taga Paniqui, Tarlac. Kini human nga ang usa ka police officer nipusil patay sa inahan ug anak nga iyang gikalalis.

Ang hinungdan segun sa balita dunay kalambigitan sa road right of way.

Makita sa maong video ang batang anak sa pulis, ang mga silingan ingon man ang police officer. Ang polis mismo maoy niadto sa pinuy-anan sa inahan ug anak ug sa akong tan-aw daw morag hostage drama ang nahitabo.

Sa dihang nisinggit ang bata og “My Father is a Policeman!” Ang edarang babaye nga gikalalis sa pulis nitubag man og: “I don’t care e e e!” Ang pulis nitubag usab: “Gusto mo tapusin na kita!” Dayon bunot sa iyang pistola ug pabuto sa duroha ka mga biktima.

Wa pa gyud makontento, nahimo pa gyung nipusil sa laing higayon paneguro gyud sa kamatayon sa duruha. Nagkadaiya ang mga panahom sa kadaghanan ning maong hitaboa:

1.    Una, daghan ang nikondenar sa maong buhat nga usa ka abuse of authority.

Gipusil patay niya ang duroha nga walay amas dala. Mahimo ra man gyud unta tong ipakita ang maximum tolerance sanglit mahimo raman nga lalison ra to ug kun ugalling dili siya makapugong mopalayo na lang siya paglikay og dugang kagubot.

2. Ikaduha, wala ta masayud sa other side. Mahimong daghang gipanulti ang maong bitkima sa ilang panaglalis o may bikil na sila kaniadto pa mao nga napuno ug naputong ang maong pulis nga niresulta sa kalimot ug pagpatay.

3.    May gibawong suliran ang maong pulis ug tingali na-trigger lang gyud siya mao nga nahimo niya kadtong butanga.

Apan dunay panultihon nga nagkanayon: The end does not justify the means. Pagkangalan nga gipatay niya ang maong sibilyan, dili gihapon kini madawat.

Sa laing bahin, ang mga tawo niadtong mga panahona duna man gyud untay mahimo kay sa mag-focus lamang sa documentation.

Walay bili ang ilang pag singgitsinggit ug pag-react kay ulahi na ang tanan. Nahitabo na ang wala damhang hitabo ug nausik na gyud ang kinabuhi sa duruha ka mga tawo.

Lisud gyud ron ang panahon grabe kaayo ang pressure nga giatubang sa mga tawo ning panahona.

Pressure nga usahay makapaaghat sa matag tawo nga mohimo og mga butang lisud kaayo dawaton. Barato na kaayo ang kinabuhi ug nahimong idlas ang kaangayan.

Sakit kay sa mas dayag nga paagi atong nasaksihan ang mga hitabong wala nato damha. Mao ba kini ang matang sa dagan sa kinabuhi nga atong sugaton ning panahon sa dakong kalisdanan alang sa tuig 2021?

POLICE OFFICER
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with