^

Neuro test

RENBOR PATROL - Rene U. Borromeo (Banat) - December 22, 2020 - 12:00am

Nag-viral sa social media ang video nga nagpakita sa pagpatay sa polis sa inahan ug anak nga iyang gikalalis gididto sa Tarlac kaniadtong Domingo.

Angay kini nato nga hisgotan kay daghang isyu nga kinahanglang mahibaw-an ug makutloan og pagtulon-an sa uban aron nga malikayan ang susama nga panghitabo.

Una, ang polis giisyuhan og armas sa kagamhanan aron magamit niya kini sa pagpatuman sa balaod, kon mahimutang sa peligro ang iyang kinabuhi.

Sa ato pa, self-defense ra gyud nimo kini gamiton. Sa video nga nikatap, naghukas gani ang lalaki nga gigakus sa iyang inahan, ug wa kini armas.

Nagpasabot nga dili gyud unta angay’ng gamitan og armas sa polis, nga mas dako pa gani’g lawas kay sa anak sa babaye nga iyang gipusil ug gipatay.

Makita pa gani sa video nga mora’g unang gipusil sa polis ang inahan, ug dayon gisunod pagpusil ang anak sa ulo, ug maayong pagkahagba.

Kon imong tan-awon, wa gyud mahimutang sa peligro ang kinabuhi sa polis ug nga dili unta siya angay’ng mogamit sa iyang  armas aron patyon ang inahan ug anak.

Mao kini ang rason ngano nga duna gyuy neuropsychological test nga ipahigayon niadtong mga tawo nga gustong moangkon og armas, apil na niini ang polis sa dayon nilang pagsulod.

Sigurado gyud ko nga dihang miaplay siya pagkapolis, mipasar siya sa neuropsychological test. Ang nakadaut lang kay kon nahimo na gani nga polis, wa nay dugang neuro test nga ipahigayon ang kagamhanan kanila.

Nganong ang mga civilian nga naghupot og armas, inig-expire sa iyang License To Own and Possess Firearms (LTOPF), pakuhaon na man sab lagi og neuro test?

Ang neuro test gitumong aron sutaon sa mga psychologist kon ikaw nga gustong mohupot og armas, dili ba barumbado nga kon makagunit na og pusil, dali ra kaayong mogamit niini bisan og wa sa tukmang panahon.

* * *

Ikaduha nga isyu. Ang anak nga babaye sa polis, mitambag kuno sa inahan ug anak nga maminaw sa iyang papa kay usa kini ka polis.

Unsay gitubag sa inahan sa lalaki? Miingon kuno nga “I don’t care.” Sa ato pa, “Ngano diay og polis?” Tungod niini, ang polis nga masabot nimo nga di na makapasar sa neuro, namusil dayon.

Ako kaniadto diha nga confidential agent pa ko sa LTO, may mapara ko nga polis ug military. Kon magpaila sila aron tingali dili sila dakpon, dili gyud ko manginsulto.

Ingnon pa gani nako nga mas maayo nga sila polis ug militar kay makasabot sila sa akong gihimo nga mao ra ang pagpatuman sa balaod. Mipahiyom ra sila, apan kon giinsulto pa nako, pusilon tingali ko.

CRIME
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with