^

Dugay na, tonto gihapon

BALITAHOM - Atty. Jose Marie N. Poblete (Banat) - December 20, 2020 - 12:00am

Human mimando ang nasudnong kagamhanan sa mandatory nga pagsul-ob sa face shields sa mga publikong lugar, mipahibawo usab ang DOH nga dili morekomendar ang ahensya pagpasul-ob sa face shield sa mga tawo nga adunay “respiratory problems”. Ang kalisod sa pag-ginhawa maoy reklamo sa katawhan sa dihang gipatuman kaniadto ang pagsul-ob sa face shield. Niining atras-abante nga polisiya sa kagamhanan, daw haum kanato ang pagya-biaybiay nga nag-ingon, “Dô, dugay na ka sa Manila, TONTO ka man gihapon”.  Pagkatoytoy!

Daghang bakakon nadatô

Taliwala sa mga pagsaway nga nadawat ni DOH Secretary Duque tungod sa kapalpakan niini sa pagseguro nga maka-una unta pagpalit og COVID-19 vaccine ang Pilipinas, mi-rason gihapon ang Kalihim nga kon ugaling nasayop man siya, gumikan kini sa iyang pag-amping, mao nga gisuta una niya ang bakuna sa Pfizer. Unsa ba gayod ang sutaon? Naglumba na gani pagpamalit ang ubang nasud nga mas abante pa ang teknolohiya kay kanato. Abilidad gayod ang pagkabakakon.  Daghan na ang naadunahan tungod sa pagpamakak.  Madahaan!

Tawhanon ang pagpasangil

Matud ni Sec. Harry Roque, walay nakita’ng kapalpakan ang Presidente kang DOH Secretary Doque sa iyang negosasyon alang sa sayo unta nga pagpalit sa COVID-19 vaccine.  Dugang nga rason mao nga dilli si Sec. Doque, kon dili, si Vaccine czar Carlito Galvez ang gitahasan pagpamalit sa bakuna.  Wala man diay labot si Sec. Duque apan ngano’ng sangkô sa langit man ang iyang pagpangulipas niining isyuha?  Tinuod gayod nga “Ang paghimo’g sayop tawhanon, apan ang pagpasangil sa uban sa maong sayop, labaw pa’ng tawhanon”.  Fezteleern!

“New normal” batok tradisyon

Matud ni Konsehal Garganera, EOC Deputy Chief Implementer, nga kon basehan ang talan-awon sa Misa de Gallo diin nagpunsisok ang manimbahay, maingon nga dili pa andam ang katawhan alang sa “new normal”.  Ubos sa “new normal”, ang tawo na unta mismo, sa iyang kaugalingon, mao ang mo-disiplina ug motuman sa mga lagda. Daw baligho ang pulong nga “new normal”.

Matawag ba nga normal o naandan ang pagpanimuyô kon kini bag-ohon (new)? Sa talan-awon sa Misa de Gallo, tataw nga nagbangga ang tradisyon ug ang bag-ong lagda sa pagkinabuhi. Unsay mopatigbabaw? Abangan!

Naanad na unta

Ang pag-aprobar sa pilot implementation sa face-to-face nga klase sugod karong Enero 2021 naka-agni og lainlaing reaksyon sa mga ginikanan.  Daghang ang mipadayag sa ilang kabalaka ug midason usab nga nakauyon na unta sila sa on-line classes.

Nakapahinumdom kanako sa estorya sa asawa nga nasukô sa iyang bana kay ngano nga iyang gibalbasan ang iyang baga’ng bungot.  Mitubag ang bana nga gihasolan na siya’g atiman kay taas na kaayo. Apan misulinga ang asawa sa bana dayon ingon, “Kabuang gyud nimo, NAANAD na unta ko adto”.  Hala no!

DOH FACE SHIELD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with