^

Sinugatan sa Pasko

RENBOR PATROL - Rene U. Borromeo (Banat) - December 19, 2020 - 12:00am

Ang mga government weather forecasters mibanabana nga ang ubay-ubay’ng mga dapit sa Central Visayas, apil na ang Dakbayan sa Sugbo, makasinati og kusog nga uwan hangtud Domingo.

Dili kaayo kusog ang hangin kay 33 kilometros ra kada oras ang iyang pagsibog, apan tungod sa kanunay nga pagbunok sa uwan, hayan makamugna kini og pagbaha ug pagdahili sa yuta diha sa kabukiran.

Ang bati nga panahon, naghulga sa nasud, ilabi na didto sa mga dapit sa Mindanao ug kita dinhi sa Kabisay-an naapektohan na lang. Malipay na lang hinoon kita tungod kay sa dili pa ang Pasko, mawala na kini.

Ambot og ang pag-uwan-uwan makasanta ba kaha sa kainit sa tinguha sa ubay-ubay’ng katawhan nga motambong sa Misa de Gallo.

Usbon nako pag-awhag sa katawhan nga magmatngon gyud ha?

Lisud na kaayo nga tungod sa atong pagpabaya, basin og madeklarar pagbalik ang Dakbayan sa Sugbo ubos sa Enhanced Community Quarantine (ECQ) kon modaghan ang mga kaso sa Corona Virus Disease.

* * *

Gihisgotan na pagsugod ang pagpamakuna og anti-COVID-19 vaccine sa katawhan dinhi sa siyudad sa Sugbo.

Ako hinuon, dili ko magpabakuna nianang vaccine nga wa pa kaayo mapamatud-i nga epektibong makapugong nga matakdan ka og virus. Gikuyawan ko nga basin dunay daotang epekto sa imong lawas human ka mabakunahi nianang mao nga vaccine.

Mas nindot nga silang mga opisyal sa kagamhanan gikan ni Presidente Duterte, maoy mouna sa pagpabakuna aron dili mahadlok ang mga tawo.

* * *

Bilib gyud ko ni Senador Bong Go kay akong nabantayan nga padayon siya nga mobisita ug manghatag og mga tabang sa mga biktima sa dagkong sunog.

Diha diay si Bong Go sa Mandaue kaniadtong miaging adlaw ug nanghatag og tabang sa mga biktima sa sunog sa Barangay Looc kaniadtong Disyembre 2.

Kaniadto, dunay pipila ka radio announcers nga nanaway kang Bong Go kay pamolitika kuno nga moadto gyud sa mga nasunogan kay nangampanya pa man kini.

Apan karon nga si Bong Go nagpadayon gihapon pagbisita sa mga nasunogan sa lainlaing dapit sa nasud bisan og senador na siya, wa na sila makatingog.

Ang termino ni Bong Go pagka senador unya pa mapupos sa tuig 2025 mao nga kon pamolitika pa ang iya nga pagbisita sa mga nasunogan, dili pa siya mohimo niini karon.

Naa bitaw mga opisyal, bisan dinhi sa atong mga dapit, maayo lang sa panahon sa kampanya kay motungas gyud sa atong kabalayan, apan karong midaog na, mibalik ba gud sila?

Kon kampanya na pud, anha na usab sila mosuroy, ug kana maoy pamolitika ra.

PASKO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with