^

Banat Opinyon

Asa kaha dapita ang arte?

MGA LAMAS SA KINABUHI Pagpamalandong alang sa Malangkubong Kaayohan Hinikay - Fr. Rey Cui - Banat

Kun dunay naglagot sa gihimong Nativity Scene didto sa Vatican City gumikan sa kangil-ad niini, duna say nidayeg kay alang nila usa kini ka arte ug angayan lamang likayan ang indifference kalabot niini. Alang nila, dili na kinahanglanon nga i-depict gyud ang Nativity scene ingon nga usa ka Jewish nga reyalidad.

Apan sa mosugot ta o sa dili, ang atong Ginoo gipahimugso man ingon nga Judiyo ug angayan man tingali nga siya tahuron diha sa iyang gigikanan isip usa ka Judiyo. Sa laing bahin, mahimo man siyang i- depict sa laing kulturanhong kagikan apan dili lang pud tingali sa usa ka astronaut o sa usa ka daw mangil-ad nga anak. Usa ka satanic symbol. Pun-an pa sa imahen nga dunay helmet ni Lord Darth Vader.

Kay unsa ba gud si Darth Vader. Dili ba siya man kadtong ultimate nga villain sa Star Wars Trilogy. Ayaw ko og ingna nga kabahin kini sa imaginative art. Imaginative art nga inhuman ra kaayo? Makatabang ba kaha kini sa pag uplift sa spirit of Christmas alang sa matag usa kanato?

Nganong himoon man gyud nga abnormal ang naandan aron lamang pagpadayag sa mensahe nga kinahanglang mo-stay at home ang tanan? Mao ba kini ang dugokan kun nganong ang imahen didto sa Espanya nag-mask ug silang Jose ug Maria ang gibilanggo sa usa ka hawla? O mao ba kini ang dugokan kun nganong sa atong pagpanaw sa kinabuhi nahimong mahadlokon kita sa pagtakboy ning coronavirus nga maoy hinungdan sa daghan kaayong mga suliran. Ingon ini gyud tingali ang pagsaulog sa atong Pasko karon, Pasko nga nga mamingaw kay daghan kaayo ang gidili, daghan kaayo ang gihimong gituis o salikwaot? Tingali apil kini sa gitawag nilang art.

Lisud ang pag-survive ning panahona karon labina kun ang lider nimo mismo, ang personahe nga imong gisaligan nga  maoy mobulig sa imong mga pangindahay ug mga tinguha apan utro pud diay nagpasagad.

Kay lagi buot niyang imantala ang iyang kaugalingong tinguha ug mga laraw kuyog sa mga laraw nga sama niya mapahimuslanon usab sa gahum.

Ning paagiha nahimong mas makasapot ug makaligotgot ang mga hitabo ning panahon sa dakong kalisdanan. Kay nahimong daw kontrolado ang tanan tungod ug alang sa Corona, ang virus nga gisimba karong mga higayonan sa katawhan gumikan sa kapasikaran nga ang matag usa kinahanglang panalipdan gikan sa posibleng pagkuyanap niini.

Lisud kining hitaboa tungod kay dili lang kini mahitungod sa physical fitness kondili apil niini ang mental ug spiritual health sa matag usa kanato nga padayong gitay-og ning mga panahon sa dakong kalisdanan. Apan dili kita angay mahadlok. Hinunoa padayon kita sa atong paningkamot, padayon kita sa atong pakigbisog. Laban Lang.

VATICAN CITY

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with