^

Kuyaw na sir uy!

RENBOR PATROL - Rene U. Borromeo (Banat) - December 17, 2020 - 12:00am

Nindot kaayo kon ang kapolisan manghatag og pinaskohan, ilabi na kon ang ilang hatagan kadto gyud nga mga pobre ug makalukuoy kaayo.

Apan ako ug ang pipila ka kauban nako sa media, wa makagusto sa ilang gimik nga patuohon usa nila ang ilang hatagan nga kuno dakpon kay dunay warrant.

Okay lang kon mga driver sa PUJ ang ilang patuohon nga dakpon kay multa ra man, apan kon ingnon nimo nga dakpon kay dunay warrant of arrest, dili tiaw ang kakuyaw nga bation sa usa ka tawo.

Tingali dili bugti ang ilang ihatag nga pinaskohan sa kakuyaw nga bation tungod sa ilang gimik. Mao nga tambag nako sa mga amigo nakong kapolisan, ilisi ang inyong gimik uy.

Kuyaw kaayo kon ang tawo nga inyong himoan niini may sakit sa kasing-kasing ug atakehon unya sa kakuyaw, basin og mamatay na hinuon.

Basin unya kon mahitabo ni, ingnon lang ninyo nga namatay ang tawo sa kalipay kay gihatagan siya’g pinaskohan?

* * *

Tinuod ba nga supporter sa mga New People’s Army (NPA) ang City Health Officer sa Guihulngan City sa Negros Oriental, nga gipatay uban sa iyang bana kaniadtong Martes sa hapon?

Makapakurog kining mao nga balita nga si Dr. Mary Rose Sancelan ug ang iyang bana nga si Edwin, kawani sab sa kagamhanan, gipangpusil sa wa hiilhing tawo duol na sa ilang balay sa Barangay Poblacion, Guihulngan.

Sa akong pakisusi, nahibaw-an nako nga pwerteng daghana na gyud sa mga gipangpatay sa Guihulngan nga wa gyud kahatagi og kasulbaran.

Dunay abogado, ug duna gani toy polis. Si Dr. Sancelan maoy nagsilbi nga pangulo sa Inter-Agency Task Force sa Covid sa maong siyudad.

* * *

Ingon sa dili ko makatuo nga daghan kaayong mga tawo nga nangindahay nga makaangkon og tabang sa kagamhanan pinaagi sa Social Amelioration Program (SAP).

Apan diha nga na-approve na ang ilang application ug hatagan na unta sila sa cash assistance, pwerteng daghana sa wa mokuha sa maong salapi.

Tiaw mo nga sa pasiuna nga lista nga gipagawas sa Department of Social Welfare and Development (DSWD), mohapit na usa ka libo ang anaa sa listahan?

Kana, mga taga Dakbayan sa Sugbo ra gani, wa pay labot kadtong mga taga laing lugar. Akong tambag niadtong nangaplay og SAP, susiha ninyo sa lista sa DSWD ug sa mga online sa lainlaing media outlets.

Dili lang nako mapublikar dinhi kay ang tanang ngalan dili gani masulod.

CHRISTMAS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with