^

Bentaha ang adunay kwarta

BALITAHOM - Atty. Jose Marie N. Poblete (Banat) - December 17, 2020 - 12:00am

Segun sa mga eksperto, tungod sa kanihit sa bakuna batok COVID-19, ang kahigayonan sa makiangayon nga pagbahin-bahin niini tali sa adunahan ug sa kabos nga mga nasud daw ilusyon na lamang. Yano lang kini nga aritmetik, tungod kay sa gibanabana nga 12 bilyones ka doses nga nagamâ na karon sa mga pharmaceutical industries, 9 bilyones niini ang gi-reserba na sa mga datô nga nasud.  Husto gayod si Anhing Board Member Julian “Teban” Daan sa iyang giingon nga, “Ang datô ug pobre parehas ra, apan bentaha gyud kon aduna kay kwarta.” Atala lageee!

Hinaut way mataligam-an

Human mahinabi ni Cebu City Mayor Edgar Labella ang chief implementer sa IATF-MEID nga si Secretary Carlito Galvez, mipahibalo ang Mayor nga ang dakbayan sa Sugbo mahilakip unya sa prayoridad nga mahatagan sa bakuna sa nasudnong kagamhanan kon modangat na kini sunod tuig.  Gigantihan ba kaha tingale sa IATF ang Cebu City kay sa makausa, nahimo man ang dakbayan nga “epicenter” sa COVID-19? Sa pagbahinay unya sa bakuna, wala ba kaha’y lokal nga kagamhanan nga mataligam-an ug igo na lang motiyabaw sa pag-ingon, “Paano na kami Kuya?” Madahaan!

Maghikog aron maluwas?

Gipaimbestigar ni Manila Mayor Isko Moreno ang tahô nga adunay gipahigayon nga pagpamakuna batok sa COVID-19 sa Binondo, Manila, bisan wala pa’y gi-aprobahan nga bakuna ang nasudnong kagamhanan.  Dili angayan kahibudngan kon adunay mga tawo nga maningkamot sa ilang kaugalingon aron makakuha sa bakuna batok COVID-19.  Gawas nga sa panglantaw sa uban, daw inutil ang kagamhanan pagbatok sa COVID-19, giingon usab nga “balaod sa kinaiyahan ang pagpanalipod sa kaugalingon.” Mahimo gani kuno nga maghikog ang tawo tungod sa “self-preservation.” Baya no!

Karaoke is okay

Sa bag-ong Executive Order ni Lapu-lapu City Mayor Junard Chan, gitugotan na ang videoke ug karaoke apan sulod lamang sa gitakda nga oras nga nalatid sa Executive Order.  Bisan pa man sa maong pagtugot, aduna gihapo’y mga lagda nga gipatuman sama sa pagkuha og special permit, pag-disinfect kanunay sa videokehan ingon man sa pag-limit sa gidaghanon sa customer.  Wala hinuon maapil sa lagda ang pagdili pagkanta sa mga paborito’ng awit sa akong amigo nga giulohan og “My Way” ug “I Saw the Light in the Night (Delilah)”.  Na hala, birit na!

Internet sugar daddy

Mipasidaan ang Philippine Commission on Women sa mga kababayen-an nga magmabinantayon sa mga “sugar daddy pages” diha sa internet kay basin mahimo silang biktima sa pagpangabuso ug prostitusyon.  Makapahinumdum kanako sa storya diin ang usa ka amahan giwarningan sa iyang anak kay kuno gipangwartahan ra siya sa iyang batan-on nga uyab.  Apan prangka ang tubag sa amahan nga nagkanayon, “Pastilan ka Day, sa akong edad ug hitsura, nagtuo ba diay ka nga maka-uyab ko’g batan-on kon dili ko mogasto?”  Pagkatoytoy!

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with