Misa de Gallo na ugma

Unang Misa sa kaadlawon ugma, pangandam ug pagdawat sa kasaulogan sa Pasko, apan, lahi sa unang katuigan, dili sadya ang atong gipaabot nga pagkatawo sa atong Manunobos gumikan sa pandemic.

Dili ang tanan nga buot mosimba sa Santos nga Misa ang makatambong tungod kay limitado ang makasulod sa simbahan ug kadtong sa gawas kinahanglan maglayuay aron ma-maintain ang social o physical distancing.

Pagdako sa pwerhisyo ug inconvenience ang gihatag kanato sa coronavirus. As if mao nay nagbuot  ug nagkontrolar sa atong kinabuhi. Hangtud nga lakip ang paglatawo sa atong Manunubos buot niini nga dili nato saulogon.

Apan sa ato nang gibalikbalik dinhi, dili kita mosugot nga ang coronavirus maoy magbuot kon magmalipayon o magmagul-anon ba kita niining Paskoha.

As I have been saying, let’s celebrate Christmas in our hearts, in our homes with all the members of the family nga gitanggong sa coronavirus. Siyaro og did-an ba gihapon kita pag-celebrate sa Pasko sulod sa atong kasingkasing.

Kita ra ba sa Pilipinas ang nag-observed sa Misa de Gallo? Tubag sa Google: “The tradition of Misa de Gallo is still observed today, mostly by Spanish-speaking Roman Catholic countries in Latin America and in the Philippines.”

Laing pangutana, Unsa may tuyo sa Misa de Gallo? Tubag: “Misa de Gallo is the start of the Christmas season in the Philippines, blending Christian tradition with the harvest thanksgiving of the ancient Filipinos.”

Timan-i kini: Tradition kini sa atong katigulangan, ancient Filipinos pagpasalamat sa mga grasya nga nadawat panahon sa ting-ani, harvest thanksgiving. ‘Sa man, mao ba gihapon kini karon? Magpasalmat ba kita sa harvest, o sa imported rice? Anyway, despite sa pandemic, matud ni Elvie Punzalan-Estavillo sa Philippine Star: “With vigorous optimism, hard work, unity – we shall overcome. The best shall descend upon us... having experienced the worst!”

So, kahayag nga panglantaw sa unahan, inay nga mag-pessimistic, diin pulos lamang kangitngit ang atong makita sa unahan, pagbudlay ug panaghiusa … kining tanan nga atong nahiaguman karon, ato dang masagubang ug mabuntog. Ang labing maayo ato dang maangkon, tapus sa labing masakit nga katalagman nga ato karong natagamtaman.

Dugang ni Elvie: “Christmas is a time for gratefulness for the blessings received.” Bitaw, ang mga problema maoy naghari sa atong galamhan. Makalimot kita nga mas daghang blessings ang atong nadawat, ug makalimot kita sa pagpasalamat .”

Mao kini ang tukmang kahulogan sa Pasko … pagpakabana sa kahimtang sa uban, dili kay ang ato dang kaugalingon ang kanunay natong gihunahuna.

Ug labaw sa tanan, “Christmas is a time for giving and sharing, generously and cheerfully. It is love in action.”

Mark the words, “generously and cheerfully.” Sa ato pa gikan gayud sa kasingkasing ang atong paghatag sa walay pagpaabot sa balus … mobotar ba kaha kanimo ang recipient sa imong generosity? Kining pagpanghatag panahon  sa eleksiyon, generously ug cheerfully ba kini?

So, ang Pasko panahon sa pagpasalamat, pagpakabana, pagsinabtanay, paghinatagay, pag-ambitay, ug pagpasayloay.

Mao kini ang kahulogan sa Pasko niining atong pag-welcome sa Batang Hesus aron makapuyo Siya sulod sa atong kasingkasing. ‘Sa man, gumikan sa pandemic, atong  i-cancel o i-lockdown ang Pasko?