_banat
^
EDITORYAL-Pandemiya karong Pasko

EDITORYAL-Pandemiya karong Pasko

(Banat) - December 13, 2020 - 12:00am

Tinuod gyud ang giingon nga way pandemiya o katalagmang makapakgang sa mga Pilipino tungod sa pagkamaagwantahon niini ug makamaong modiskarte sa kinabuhi aron makasugakod hangtud makalingkawas.

Karon lang nakalabay nga mga adlaw, mabantayan ang pagdaghan na sa mga tawon diha sa mga kadalanan ug nagsud-gawas sa mga dagkong malls ug kamerkadohan.

Kini bisan pa man dunay mga restriksyon, bisan giluagan, restriksyon pa gihapon, wala mahanaw ang diwa sa Pasko para sa mga tawo ilabi na sa mga Sugboanon. Tinuod nihit gyud ang panalapi karon kay daghan sa mga tawo ang nawad-an og trabaho sud sa dul-an napulo ka bulan.  Kun duna may nakabalik, dili pa gyud sama sa naandan ang ilang abot gumikan kay apektado man tanang sektor sa patigayon niining pandemiya. Mahimo ra baya gyud mabuhi ang mga tawo bisan naa pa kining pandemiya. Ang importante mosunod lang gyud sa tanang health protocols aron dili mataptan sa coronavirus gikan sa gawas ug madala na hinuon sa panimalay.

Kinahanglang kun mogawas sa panimalay magdala gyud og mga taming o proteksyon batok sa maong sakit. Magsuot og facemask, face shields, magdala og alcohol ug batasanon gyud nga manghugas sa mga kamot matag karon ug unya.

Likayan kutob sa mahimo sa mga pagtapok-tapok sa mga tawo tungod kay gidili man kini. Angay hinumdoman nga kaning virus dili makatakod sa uban kun dunay physical distancing. Mao kini ang yawe sumala pa sa mga doktor. Labaw sa tanan, karong panahon sa Pasko makiangayon ug dalaygon kadtong mga tawong molingi sa mga kaigsuonang grabeng naapektahan sa pandemiya, sa mga tawong nasakit, nawad-an og trabaho ug nagkalisod bunga gihapon aning salot nga coronavirus.

Panahon karon sa paghinatagay pagpakita nga nagpakabana ang tawo sa isi’g ka tawo. Aning paagiha, mas magmalipayon ug matagbaw ang tanan sa kahulogan sa Pasko bisan duna pay krisis sama sa coronavirus.

PILIPINO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with